नेपाली कांग्रेसको इतर पक्ष शेखर-गगनको भेलामा को-को पुगे

 

 

नेपाली कांग्रेसको इतर पक्षको बैठक सुरु भएको छ । बत्तिसपुतलीस्थित अनुपम फूडल्याण्डमा इतर समूहका नेता डा. शेखर कोइरालाले बोलाएको बैठक बसेको हो । बैठकमा उपसभापति धनराज गुरुङ, महामन्त्री गगन थापा, नेताहरु अर्जुननसिंह केसी, मिनेन्द्र रिजाल, चन्द्र भण्डारीलगायत कोइराला गुटबाट निर्वाचित पदाधिकारी, केन्द्रीय सदस्य र सांसदहरु उपस्थित छन् ।

शेखर र गगनबीच पछिल्लो समय खासगरी कोशी विद्रोहपछि संवादहीनताको अवस्था थियो । तर, नेता केसीसहित इतर पक्षको दबाबमा दुई नेताबीच वार्ता भएसँगै आजको बैठकमा महामन्त्री थापा आउन तयार भएका हुन् । शेखर र गगनबीच नेता केसीको घरमा वार्ता भएको थियो । आजको बैठकमा राष्ट्रियसभा निर्वाचान, केन्द्रीय कार्यसम्पादन समितिको बैठक, कांग्रेसले महासमिति बैठक लगायतको बिषयमा छलफल हुनेछ । पुसका लागि निर्धारित महासमिति बैठकलाई सभापति शेरबहादुर देउवाले फागुनमा पुर्‍याउने तयारी गरेका छन् । सभापति देउवाको कार्यशैली परिवर्तन नआएपछि कसरी अघि बढ्ने भन्नेबारे रणनीति बनाउन शेखरले आजको बैठक राखेको बताइन्छ ।