एनआरएनएमा यसकारण आवश्यक छ डा. बद्रि केसीको नेतृत्व

 

 

गैरआवासीय नेपालीहरूको अन्तर्राष्ट्रिय समन्वय समितिको ११औं अधिवेशन जति नजिक आउदैछ, त्यति नै संसारभरीका यस्का सदस्यहरूको चहल पहल प्रवासमा मात्र होइन, मात्रिभूमि नेपालमा समेत बढेको छ । निर्वाचनको चहलपहल र उमेदवारी दर्ता सम्पन्न भैसकेको छ । दर्जानौं उम्मेदवारी परेका छन भने उम्मेदवारीसँगै आफू कसरी निर्वाचन जित्ने भन्ने होडवाजीमा सरकार र राजनीति नेताहरूसंगको भेटघाटहरू वाक्लिएसंगै केही राजनीतिक नेताहरू प्रत्यक्षरूपमै हाम्रो पार्टीको उम्मेदवारले निर्वाचन जित्नुपर्दछ भन्दै प्रतिनिधिहरूलाई प्रभाव पार्दैछन ।
हामि के चाहन्छौ ?

मात्रिभूमिवाट रहर, अवसर र वाध्यताले आफ्नो परिवारको सुन्दर भविष्यको खोजीमा विश्वव्यापी वनेका लाखौं हामी प्रवासी नेपालीहरूको संख्या दिनानुदिन वढिरहेका छन । झण्डै जनसंख्याको एक तिहाई संख्या देश वाहिर छ । यो क्रम अरू बड्दैछ । यी प्रवासीहरूको सयौं संघ संस्थाहरू क्रियाशिल छन । यी संस्थाहरूमा विचार/क्षेत्र/जाति/पेशा, परोपोकारी र सामुदायिक संस्थाहरूले सबै प्रवासी नेपालीहरूलाई समेट्न सक्दैनन । यी सम्पूर्ण प्रवासीहरूलाई समेट्ने एउटै मात्र नेपाल सरकारसंग प्रत्यक्ष जोडिएको संस्था हो गैर आवासीय नेपाली संघ, जस्को सन्सारका झण्डै ९० देशमा शाखाहरू छन ।

यी शाखाहरूको समन्वय गरिरहेको अन्तर्राष्ट्रिय समन्वय संघचाँहि विगत केही वर्षदेखि राजनीतिक र जातीय संकिर्ण र संकुचितमा जकडिएको छ । यस्ले न त आम प्रवासी नेपालीहरूको भावना अनुसार प्रवासमा काम गर्न सकेको छ न घरवासमा नै सामुहिक लगानीको वातावरण तयार गर्न । त्यसो त प्रवासिएका नेपालीहरूको १०।१५ प्रतिशत मात्रा यस्का सदस्य छन र पनि सबै यो संस्थाको क्रियाकलापप्रति सन्तुष्ट छैन । कारण हो संस्थाभित्र रहेका राजनीतिक हस्तक्षेप र आफन्तावाद ।

हुन त नेपाल सरकारको निति पनि प्रष्ट छैन । गैर आवसीय नेपालीको परिभाषा प्रष्ट छैन । १५ /२० वर्ष विदेशी सेना र सरकारी जागिर खानेहरू र ५/१० वर्ष विदेशमा पढ्न जाने विद्यार्थीहरू जो ९० प्रतिशत नेपाल फर्कदैनन, उनीहरू गैर आवासीय नेपालीमा नपर्ने र २/३ वर्षको लागि मध्यपूर्व र पूर्वी एशियामा काम गर्न जानेहरू चॉहि गैर आवासीय नेपालीको दायारामा पर्नु न्यायिक देखिदैन । हुनुपर्ने त कामदार भिषा÷ग्रिनकार्ड र ओर्क परमिट लिएकाहरू होईन, नेपाली मुलका विदेशी नागरिकता लिएका मानिसहरू मात्रा एनआरएनको सदस्य हुने प्रावधान राख्दा मात्र यो संस्था वास्तविक गैर आवासीय संस्था हुनेछ र गैर राजनीतिक पनि ।

 

किन बद्रि केसीलाई मत दिने ?

चुनावको मुखमा सवै उम्मेदवार आकर्षक नारा दिइरहेका छन । तर यथार्थमा को के हुन भन्ने बुझ्न जरुरी छ । अध्यक्षमा उम्मेदवार बनेकामध्ये सवैभन्दा योग्य को हो भनेर मतदाताले बुझन जरुरी छ । अध्यक्षका उम्मेदवारमध्ये यसपटक डा. बद्रि केसी सवैभन्दा उपयुक्त हुनुहुनछ । यस्का थुप्रै आधारहरु छन ।

१. गैर आवासीय नेपाली संघको स्थापना कालदेखि आजसम्म निरन्तर लागिरहेको एक असल र ईमानदार अभिन्यता हुन डा. बद्रि केसी ।
२. गैर आवासीय नेपालीहरूको मुद्दा र आवश्यकता राम्रोसंग बुझेको ब्यक्ति पनि हुन ।
३ प्रवासमा रहेर कुनै पनि राजनैतिक संगठनको नेतृत्व नगरेको, साझा चरित्र निर्वाह गरेको ब्यक्ति नै एनआरएनएमा आवश्यक रहेको छ ।
४ गैर आवासीय नेपाली संघको हितमा जुनसुकै त्याग र समर्पण सहजै गर्न सक्ने ब्यक्ति बद्रि हुन भन्ने पनि प्रमाणित भएको छ ।
५ गैर आवासीय नेपाली संघलाई विधि विधान संगत तरिकाले चलाउन सक्ने ।
५. संघलाई कुनै पनि राजनीतिक/आर्थिक/भौगोलिक र जातिय हस्तक्षेपलाई पूर्ण रूपले मुक्त राख्न सक्ने ।
६ संस्थालाई पारदर्शी मात्र होईन कम खर्चिलो वनाउन सक्ने ।
७ संस्थालाई धनाढ्यहरूको क्लव होइन, आम प्रवासी श्रमिक/पेशा व्यवसायी र प्राविधिकहरूको सुन्दर बगैचा वनाउन सक्ने क्षमता भएको र आफ्नो समुहमा सबै विचार/क्षेत्र/जाति/पेशा र व्यवसायको प्रवासीहरूलाई समावेश गरी साच्चैको हामी सम्पूर्ण प्रवासीहरूको साझा संस्था वनाउने अभियानका सारथी डा वद्रि केसी र उहाँको सिंगो समुहलाई मतदान गरी गैर आवासीय नेपाली संघलाई सम्पूर्ण प्रवासिएका नेपालहरूको अभिभावकीय संस्था वनाउनु पर्छ । यो नै आजको आवश्यकता हो ।