अमेरिकामा अर्को बैंक पनि डुब्यो
अमेरिकामा फेरि अर्को बैंक टाट पल्टिएको छ । एकपछि अर्को गर्दै दुई महिना बीचमा तीन वटा बैंक डुबेको न्यूयोर्क टाइम्सले लेखेको छ । सन् १९८५ मा स्थापना भएको र अमेरिकाको १४औं ठूलो फर्स्ट रिपब्लिक बैंक डुबेको हो । बैंक नियामक निकायले स्वामित्व नियन्त्रणमा लिएर जेपी मोर्गन चेजलाई बिक्री गरेको अन्तर्राष्ट्रिय सञ्चारमाध्यमहरुले जनाएका छन् । बैंक नियामकीय निकाय फेडरल डिपोजिट इन्स्योरेन्स कर्पोरेशनले नियन्त्रणमा लिएको हो ।
सिलिकन भ्याली (१६औं ठूलो) र सिग्नेचर (२९औं ठूलो) बैंक मार्चमा टाट पल्टिएपछि सरकारी नियामकहरूले सोमबार फर्स्ट रिपब्लिक बैंकलाई बेचेका छन् । सन् २०२३ मा असफल हुने तीनवटा बैंकको कुल सम्पत्ति ५३२ बिलियन डलर रहेको न्यूयोर्क टाइम्सले उल्लेख गरेको छ । न्यूयोर्क टाइम्सले लेखेको छ, ‘यो विश्वव्यापी वित्तीय संकट २००८ मा पतन भएका २५ बैंकहरूद्वारा राखिएको मुद्रास्फीतिको लागि समायोजन गर्दा ५२६ बिलियन डलरभन्दा बढी हो ।’
सन् २००८ देखि २०१५ सम्म ५०० भन्दा बढी संघीय बीमा बैंकहरू असफल भएका थिए । धेरैजसो साना वा मध्यम आकारका क्षेत्रीय बैंकहरू थिए र अन्य संस्थाहरूमा समाहित भएका थिए । वाशिंगटन म्युचुअल जो जोखिमपूर्ण धितोमा संलग्न थियो र अमेरिकी इतिहासमा असफल हुने सबैभन्दा ठूलो बैंक पनि बन्यो । यसलाई पनि जेपी मोर्गन चेजलाई बेचियो ।
मार्चमा सिलिकन भ्याली र सिग्नेचर बैंकको पतनले अमेरिकाको मात्र नभई विश्वकै बैंकिङ उद्योगमा ठूलो डर पैदा गरेको थियो । फेरि अर्को बैंकको पतनले विश्वको बैंकिङ उद्योगलाइ नै झड्का दिएको छ ।
रिपब्लिकन बैंकको शुक्रबार कारोबार बन्द हुँदा कम्पनीको शेयर मूल्य ७५ प्रतिशतभन्दा बढीले घटेको थियो । सिलिकन भ्याली जस्तै फर्स्ट रिपब्लिकमा धेरै स्टार्टअप उद्योग ग्राहक थिए । रिपब्लिकन बैंकको त्रैमासिक प्रतिवेदनअनुसार यो वर्षको पहिलो त्रैमासमै निक्षेपकर्ताले १०२ बिलियन डलर झिकेका थिए ।
तर, फर्स्ट रिपब्लिक, सिलिकन भ्याली र सिग्नेचर जस्ता मध्यम आकारका बैंकहरूमा समान नियामक निरीक्षण हुँदैन । सन् २०१८ मा राष्ट्रपति डोनाल्ड जे ट्रम्पले धेरै क्षेत्रीय बैंकहरूको लागि छानबिन कम गर्ने कानूनमा हस्ताक्षर गरेका थिए । सिलिकन भ्याली बैंकका प्रमुख कार्यकारी ग्रेग बेकरले यसको निकै समर्थन गरेका थिए । ‘यसकै कारण बैंकहरुले प्रशस्त नगद राख्न छाडे । जसका कारण यी बैंकहरु संकटबाट बच्न सकेनन्’, न्यूयोर्क टाइम्सले लेखेको छ ।
