प्रधानमन्त्री ओलीको ७० औं जन्मदिन (फोटो फिचरसहित)
प्रधानमन्त्री केपी शर्मा ओलीले आज आफ्नो ७०औं जन्मदिन मनाउनु भएको छ । उहालाई जन्मदिनको शुभकामना विहानैबाट दिनेको उल्लेख्य सहभागीता छ । कतिपयले भेटेर त कतिपयले सामाजिक सञ्जालमा बिहानैदेखि उहालाई शुभकामनाको वर्षा भइरहेको छ ।
प्रधानमन्त्री ओलीले जन्मदिनको कुनै औपचारिक कार्यक्रम नराखेपनि प्रधानमन्त्री निवासमै पारिवारिक रुपमा जन्मदिन मनाउनु भएको छ । उहाले नेवारी सस्कृतिअनुसार जन्मदिनको सगुन लिनु भएको छ । पिता मोहनप्रसाद ओलीले टिका र माला लगाई शुभकामना समेत दिनुभएको छ ।
२००८ साल फागुन ११ गते शनिबार तेह्रथुम जिल्लाको इवा गाउँमा बाबु मोहनप्रसाद ओली र आमा स्व. मधु ओलीको पहिलो सन्तानका रुपमा उनी जन्मेका थिए । ओलीका बुवा मोहनप्रसाद अहिले ९१ वर्षमा हिंडिरहेका छन् । आमालाई भने उनले सानै उमेरमा गुमाएका थिए ।
