सगरमाथाको उचाई बढ्यो, नयाँ ८८४८.८६ मिटर
विश्वको सर्वोच्च शिखर सगरमाथाको उचाई दशमलव ८६ मिटर बढेको छ । मंगलबार राजधानीमा विशेष कार्यक्रम गरी नेपाल र चीनले एकै पटक सगरमाथाको उचाई सार्वजनिक गरेका हुन् ।
दुवैले बेग्ला बेग्लै उचाई नापे पनि समान रिजल्ट आएको थियो । यसअघि सगरमाथाको उचाइ ८ हजार ८ सय ४८ मिटर थियो । अहिले ८ हजार ८ सय ४८.८६ पुगेको परराष्ट्र मन्त्री प्रदीप ज्ञवालीले जानकारी दिनुभयो । नेपालले नापी विभागका दुई अधिकारी सम्मिलित टोलीले सन् २०१९ मा सगरमाथाको चुचुरोमा पुगेर नयाँ उचाइ मापन गरेको थियो ।
