१० महिनापछीपहिलो पर्वतीय उडान, उडानप्रती यात्रुहरूको आकर्षण

हाम्रो इकोनोमि

 

झन्डै १० महिना पछि आज यती एअरलाईन्सद्धारा त्रिभुवन अन्तरास्ट्रिय विमानस्थलबाट पहिलो पर्वतीय उडान सफलतापूर्वक सम्पन्न गरेको छ । यतीले आज दुईवटा वायुयान मार्फत यो पर्वतीय उडान शुरु गरेको हो । प्रत्येक शनिवार एउटा उडान गर्नेगरी बुकिङ शुरु गरेको भएपनी यात्रुहरूको उत्साह र माग बमोजिम २ वटा उडान गरेको एअरलाईन्सले जनाएको छ । यति एअरलाईन्सले संक्रमण जोखिमको समयमापनि उच्च सतर्कताका साथ उडान सम्पन्न गरेको जनाएको छ । यती एअरलाइन्सका हवाई सुरक्षा प्रमुख समेत रहनु भएका प्रवक्ता सुदर्शन बर्तौलाले यात्रुहरुको माग बढेकोले अब प्रत्येक शनिवार ATR-72 विमान मार्फत २ वटा पर्वतीय उडान हुने जानकारी दिनुभयो ।

 

 

” हाम्रो सगरमाथा कै उचाई बराबरको आकर्षक भाडादरमा २ वटा टिकट पाइने आकर्षक प्याकेज, यात्रुहरुलाई पहिलो प्राथमिकतामा राखी गरेको यात्रुसेवा, संक्रमण रहित उडानका लागि हामिले अपनाएका विधि र प्रक्रियाहरुप्रती यात्रुहरूको विश्वास आदि जस्ता कारणले यात्रुहरूले हामिप्रती अझ बढी विश्वास गर्नुभएको छ, यसलाई कायम राख्न हामिलाई अझ उत्साहित बनाएको छ” बर्तौलाले भन्नुभयो । आज बिहान ७:२० मा पहिलो उडान भरेको यतिले आज ९२ जना यात्रुलाई पर्वतीय उडानमा लगेको जनाएको छ ।

 

 

नेपाली यात्रुहरू तथा आवासीय बिदेशी नागरिक र भारतीयहरुकालागी छुट्टाछुट्टै प्यागेजल्याएको यतीले २ वटा टिकटका लागि क्रमशः ८८४८/- र १३२७५/- भाडादर तोकेको छ । यतीको मोबाइल एप्स, अनलाइन मार्फत खरिद गर्दा अझ आकर्षक छुट पाईने समेत जानकारी दिएको छ । साथै पर्वतीय उडान यात्रुहरु मध्यबाट लक्कि ड्र मार्फत छानिएको एक जनाकालागि प्रत्येक हप्ता जुनसुकै गन्तव्यको एउटा निशुल्क हवाई टिकट उपलब्ध गराउने एअरलाइन्स कार्यक्रम ल्याएको छ ।