राप्तीमा फेरी मोटरसाइकल ठोक्कियो, २ जना घाइते
राप्ती नगरपालिका वडा नं. ५ भण्डारामा दुई मोटरसाइकल एकआपासमा ठोक्किदाँ २ जना घाइते भएका छन । बुधबार मध्यान्ह ना ६२ प ५९७९ र ना ६३ प १६४७ नम्बरको मोटरसाइकल एकआपासमा ठोक्किएको इलाका प्रहरी कार्यालय भण्डाराका प्रहरी निरिक्षक राजिव गिरीले जानकारी दिए ।
दुर्घटनामा मोटरसाइकलमा सवार बिजय तामाङ र मदन सारुमगर घाइते भएका हुन । दुवैजनालाई उपचारका लागि भरतपुर पठाइएको छ । पछिल्लो एक हप्तामा मात्र राप्तीमा ३ वटा गम्भीर दुर्घटना भएका छन । मंगलबार मात्र राप्ती ४ भण्डारामा मोटरसाइकल दुर्घटनामा एक युवाको ज्यान गएको थियो भने केहि दिनअघि हर्दिमा दुर्घटना हुदाँ एकै परिवारका २ जनाको ज्यान गएको थियो ।
