रहिनन् सबैको मनमा राज गरेकी चर्चित अभिनेत्री, आफ्नै घरभित्र भेटियो लाश

 

विश्वभर चर्चा कमाएकी जापानी अभिनेत्रीको लाश फेला परेको छ । जापानकी चर्चित अभिनेत्री युको टेकची टोकियोस्थित आफ्नै घरमा मृत भेटिएकी हुन् । विभिन्न अवार्ड विजेता ४० वर्षीया उनी दुई सन्तानकी आमा हुन् । प्रहरीले उनको मृत्युको विषयमा छानविन शुरु गरेको छ ।

विभिन्न अन्तराष्ट्रिय सञ्चारमाध्यमहरुका समाचार अनुसार युकोका अभिनेता पति ताइकी नाकाबेयासीले उनलाई सिबुया वार्डको घरमा भेटेका थिए । उनलाई अस्पताल लगेपछि मृत घोषणा गरिएको थियो । टुको जापानकी प्रख्यात अभिनेत्री हुन् । उनले धेरै फिल्म र टेलिभिजन सिरिजमा अभिनय गरेकी थिइन् ।

सन् २०१८ को एचबीओ सिरिज ‘मिस सेर्लोक’मा सेर्लोक होल्म्सको भूमिकामा निभाएकी थिइन् । यो सिरिज अमेरिकासहित विभिन्न देशमा प्रसारण भएको थियो । उनले सन् २००४ देखि २००७ सम्म लगातार जापान एकेडेमी अवार्डमा उत्कृष्ट अभिनेत्रीको अवार्ड जितेकी थिइन् ।

उनले जीवन त्याग गरेकी हुन् या होइनन् भन्ने कुरा निश्चित भइसकेको छैन । तर उनले जीवन त्याग नै गरेको बताइएको छ तर कारण खुल्न सकेको छैन । पछिल्लो समयमा जापानमा प्रतिभावान कलाकारको निधन हुने क्रम बढ्दो छ । गत महिना मात्र अभिनेत्री सिइ आशिना मृत भेटिएकी थिइन् ।

त्यस्तै गत जुलाईमा हारुमा मिउरा र मेमा रेस्लिङ स्टार हाना किमुराको निधन भएको थियो । कोरोना महामारीसँगै सुरु भएको लकडाउनपछि जापानसँग विश्वका अन्य देशहरुमा पनि जीवन त्यागको दर उच्च रहेको छ ।