सुनको मूल्य एकैदिन ६ हजार दुई सय घट्यो
लगातार उकालो लाग्दै गएको सुनको मूल्य बुधबार एकैदिन ६ हजार रुपैयाँले घटेको छ। मंगलबार (हिजो) एक लाख १ हजार ६ सयमा कारोबार भएको सुन बुधबार एकैदिन ६ हजार दुई सयले घटेर ९५ हजार ४ सयमा कायम भएको सुनचाँदी व्यवसायी महासघंले जनाएको छ। यसअघि सुनको मूल्य लगातार बढेर एक लाख साढे तीन हजारसम्म पुगेको थियो।
आज अन्तर्राष्ट्रिय बजारमा सुनको मूल्य प्रतिऔंस १८ सय ७६ अमेरिकी डलरमा कारोबार भइरहेको छ। सुनको मूल्य अन्तर्राष्ट्रिय बजारमै घटबढ भएर त्यसको असर नेपालमा समेत देखिएको महासंघले बताएको छ।
आज चाँदीको मूल्य पनि घटेर १२ सय १० रुपैयाँमा पुगेको छ। अघिल्लो दिन १४ सय ३५ रुपैयाँमा कारोबार भएको सुन एकैदिन २ सय २५ रुपैयाँले घटेको सुनचाँदी व्यवसायी महासघंले बताएको छ ।
