अमिताभ र अभिषेक कोरोनो भाइरसबाट संक्रमित

 

बलिउड अभिनेता अमिताभ बच्चन र उनका छोरा अभिषेक बच्चन कोरोना भाइरसबाट संक्रमित भएका छन् । कोरोना भाइरसको संक्रमण पुष्टि भएसँगै उनीहरुलाई मुम्बईस्थित नानावती हस्पिटल भर्ना गरिएको भारतीय सञ्चारमाध्यमले जनाएका छन् । दुवै अभिनेताले आफूलाई कोरोना संक्रमण भएको जानकारी ट्वीटरमार्फत दिएका छन् । अभिषेकका अनुसार उनीहरुलाई माइल्ड सिम्टोम रहेको छ ।

४४ वर्षिय अभिषेकले भनेका छन्, ‘म र मेरो पिता दुवैजना कोरोना भाइरसबाट संक्रमित भएका छौँ । हामीहरुमा माइल्ड सिम्टोम देखिएको छ । दुवै जना हस्पिटल भर्ना भएका छौँ । हामीले सबै अधिकारिक जानकारी दिएका छौँ र परिवारका सदस्य र अन्य स्टाफहरुको कोरोना परीक्षण गरेका छौँ । डराइहाल्नुपर्ने अवस्था रहेको छैन । धन्यवाद ।’

७७ वर्षिय अमिताभको अवस्थास्थिर रहेको तर, स्वासप्रश्वासमा समस्या देखिएको बताइएको छ ।

अमिताभ र अभिषेकमा कोरोना पोजेटिभ देखिएसँगै जया बच्चन र ऐश्वर्या राय बच्चनको पनि कोरोना परीक्षण गरिएको छ । उनीहरुको परीक्षण रिपोर्ट आज आइतबार आउनेछ ।