चिनियाँ राजदूत यान्छी मध्यरातमा सितल निवास, विहानै प्रचण्ड निवास
केही दिनअघि नेकपाका दुई वरिष्ठ नेता माधवकुमार नेपाल र झलनाथ खनाललाई भेटेकि चिनियाँ राजदूत होउ यान्छीले विहीवार अध्यक्ष पुष्पकमल दाहाल प्रचण्डसँग भेटर्वार्ता गरेकि छिन् ।
नेकपाभित्रको विवाद उत्कर्षमा पुगिरहेका बेला राजदूत यान्छीले सत्तारुढ दलका नेताहरुलाई बेग्लाबेग्लै भेटिरहेकि छिन् । उनको सक्रियतालाई लिएर दिल्लीसम्म चर्चा चुलिएको छ । भारतीय मिडियाले निरन्तर अफवाहमुलक समाचार प्रकाशित गरिहेका छन् । तरपनि यान्छीले आफ्नो भेटघाट रोकेकि छैनन् ।
विहीवार प्रचण्ड निवास खुमलटार पुगेकि यान्छीले नेकपाभित्रको विवादका बिषयमा कुराकानी गरेको स्रोतले बताएको छ । तर के कुरा भयो त्यो भने प्रचण्डको सचिवालयले बाहिर ल्याएको छैन ।
बुधवार राति राष्ट्रपति बिद्यादेवी भण्डारीसँग गोप्य भेटवार्ता गरेकि थिइन । भण्डारीसँगको भेटपछि उनी प्रचण्ड निवास खुमलटार पुगेकि हुन् । नेकपा सचिवालय बैठकमा विवाद भएपछि पनि यान्छी नेताहरुको घरमा पुगेकि थिइन ।
यान्छीको सक्रियतालाई लिएर नेपालभित्रका केही राजनीतिक दलले आपत्ति समेत जनाएका छन् । प्रमुख प्रतिपक्ष दल नेपाली कांग्रेस, जनता समाजवादीका नेताहरुले अनेपेक्षित हस्तक्षेत्रपको संज्ञा पनि दिएका छन् ।
तर सत्तारुढ दलका नेताहरुले भने त्यसलाई छिमेकि देशको चासोका रुपमा हेरेका छन् । फुट र विभाजित हुन थालेपछि छिमेकि सहयोग गर्न खोज्नुलाई गलत अर्थमा बुझन नहुने नेकपा नेताहरुको भनाई रहेको छ ।
