माधव नेपाल सशंकित, एक व्यक्ति एक पद नछोडने चेतावनी
ओली–प्रचण्डबीच आलोपालो सरकार चलाउने २ जेठको सहमति कि ओलीले ५ वर्ष सरकार चलाउने र प्रचण्डले पार्टीमा बढी भूमिका खेल्ने ४ मंसिरको निर्णयमा छलफल केन्द्रित भएपछि नेपाल सशंकित भएका छन् ।
सो विषयमा केन्द्रित छलफलले दुई अध्यक्षको मात्रै व्यवस्थापन गर्ने तर अन्य नेताको भने भूमिका नबढाउने भएपछि नेपाल सशंकित भएका छन् ।
‘एक व्यक्ति एक पद भन्ने माधवजीको कुरा हो तर २ जेठ र ४ मंसिरको सहमतिमा केन्द्रित भएर जुन छलफल भएको छ, त्यसले पार्टीको समग्र हित गर्दैन्, हामीले अध्यक्षको भूमिका बढाउने भनेको होइन, पार्टी बनाउने भनेका हौं,’ नेपालनिकट एक स्थायी कमिटी सदस्यले भने, ‘तर, दुवै अध्यक्षबीच भएको निष्कर्ष बाहिर नआएसम्म यसै भन्ने अवस्था छैन्, हामी पर्ख र हेरमा छौँ ।’ उनका अनुसार औपचारिक निर्णय आएपछि मात्रै नेपाल समूहले आफ्नो धारणा राख्नेछ ।
