काभ्रेमा गोली चल्यो, पाँच जना घाइते
काभ्रेको रोशी गाउँपालिका–३ सिपालीमा शुक्रबार बिहान प्रहरीले गोली चलाएको छ । बोधिचित्त लुटपाट भएको सूचना पाएपछि गाउँ पुगेको प्रहरी र हतियारधारी समूहसँग जम्काभेट हुँदा गोली चलेको प्रहरीले जनाएको छ ।
काभ्रेका प्रमुख जिल्ला अधिकारी श्रवणकुमार तिम्सिनाका अनुसार बाटोमा बम जस्तो देखिने वस्तु पनि फेला परेको भनिएको छ । यसबारे विस्तृत जानकारी आउन बाँकी रहेको उनले बताए ।
काभ्रेका प्रहरी प्रमुख एसपी रवि पौडेलले घटनामा पाँच जना घाइते भएको बताएका छन् । उनीहरुको धुलिखेल अस्पतालमा उपचार भइरहेको छ । मध्यराति भएका घटनामा संलग्न केहीको पहिचान भइसकेको उनको भनाइ छ । खोजी कार्य थालिएको पौडेलले बताए ।
