आज थप ५ सय ३५ जनामा कोरोना, संक्रमितको संख्या ९५६१ पुग्यो
नेपालमा पछिल्लो २४ घण्टामा थप ५ सय ३५ जनामा कोरोनाभाइरस (कोभिड-१९) को संक्रमण पुष्टि भएको छ ।
स्वास्थ्य तथा जनसंख्या मन्त्रालयले सोमबार आयोजना गरेको नियमित मिडिया ब्रिफिङमा मन्त्रालयका प्रवक्ता प्रा. डा. जागेश्वर गौतमले एकै दिन थप ५ सय ३५ जनामा कोरोना संक्रमण पुष्टि भएको बताए । प्रवक्ता डा. गौतमले योसँगै देशभर कोरोना संक्रमितको संख्या ९ हजार ५ सय ६१ पुगेको बताए ।
