अस्पतालका ५ जना स्वास्थ्यकर्मीमा कोरोना संक्रमण
सुर्खेतस्थित् कर्णाली प्रदेश अस्पतालका ५ जना स्वास्थ्यकर्मीहरुमा कोरोनाभाइरस (कोभिड-१९) को संक्रमण पुष्टि भएको छ ।
प्रदेश अस्पताल सुर्खेतका कोरोना फोकल पर्सन डा. केएन पौडेलकाअनुसार प्रदेश अस्पतालको ल्यावमा कार्यरत ल्याव असिष्टेन्टसहित चार जना र एकजना एक्सरेमा कार्यरत कर्मचारीलाई कोरोना संक्रमण देखिएको हो ।
प्रदेश अस्पतालको आकस्मिक कक्षमा उपचार गराइरहेका ३ जना बिरामीमा कोरोना पोजेटिभ देखिएपछि उनीहरूको नजिक रहेर काम गरिरहेका ४२ जना स्वास्थ्यकर्मीलाई क्वारेन्टिनमा राखिएको थियो। पिसीआर परीक्षणका क्रममा तीमध्ये पाँच जनामा कोरोना पुष्टि भएको डाक्टर पौडेलले जानकारी दिए। कोरोना पोजेटिभ भएका स्वास्थ्यकर्मीलाई प्रदेश अस्पतालकै आईसोलेशन वार्डमा राखिएको उनले जानकारी दिए।
स्वास्थ्यकर्मीमा कोरोना संक्रमण भएपछि केही घन्टा सिल गरिएको अस्पतालको सेवा अहिले भने नियमित रूपमा जारी रहेको प्रदेश अस्पतालका निर्देशक डाक्टर डम्बर खड्काले बताए।
