विश्वभर कोरोनाबाट मृत्यु हुनेको संख्या १ लाख ६५ हजार ५८
कोरोना भाइरस (कोभिड–१९) बाट विश्वभर मृत्यु हुनेको संख्या १ लाख ६५ हजार ५८ पुगेको छ । सोमबार बिहानसम्म १६ लाख २४ हजार ८३४ जना कोरोना संक्रमणका विरामी उपचाररत छन् । ५४ हजार २१८ जनाको अवस्था गम्भीर रहेको छ भने बाँकीको अवस्था मध्यम रहेको छ ।
सबैभन्दा धेरै अमेरिकामा ४० हजार ५५५ जनाको कोरोनाका कारण ज्यान गइसकेको छ । इटलीमा २३ हजार ६६०, स्पेनमा २० हजार ४५३, फ्रान्समा १९ हजार ७१८ तथा बेलायतमा १६ हजार ६० जनाको ज्यान गइसकेको छ ।
नेपालमा भने अहिलेसम्म कसको पनि कोरोको संक्रमणका कारण मृत्यु भएको छैन । नेपालमा हालसम्म ३१ जनाका कोरोना संक्रमण देखिएको छ । जसमा ४ जना निको भएर घर फर्किसकेका छन् ।
टेकु अस्पतालमा १ जना, वीरगन्जको नारायणी अस्पतालमा ४, भरतपुर अस्पतालमा २, धवलागिरि अस्पतालमा १, पाटन अस्पतालमा २ र कोसी अस्पतालमा, १३ जना अस्पतालको आइसोलेसनमा उपचाररत छन् । २७ जनाकै स्वास्थ्य अवस्था सामान्य रहेको मन्त्रालयले जनाएको छ ।
