अन्तर्राष्ट्रिय बजारमा तेलको मुल्य ३० प्रतिशतले घट्यो
अन्तर्राष्ट्रिय बजारमा कच्चा तेलको मूल्यमा भारी गिरावट आउँदा पनि नेपाल आयल निगमले नेपालमा मुल्य समायोजन गरेको छैन । कोरोना भाइरस, साउदी अरब र रुसबीचको तनावले अन्तर्राष्ट्रिय बजारमा कच्चा तेलको मूल्य ३० प्रतिशतले घटेको छ ।
तर नेपाल आयल निगमले भने नेपालमा एक रुपैया पनि मुल्य घटाएको छैन । अन्तर्राष्ट्रिय बजारमा मुल्य बढ्नसाथ नेपाल बढाउने तर ३० प्रतिशतले घटदा पनि एक रुपैया घटाएको छैन । सन् २०१६ फ्रेबुअरीपछि सवैभन्दा बढी मुल्य यसपटक घटेको छ । तेलको मूल्य एकैपटक यसरी सन् १९९१ को गल्फ वारपछि घटेको थियो ।
साउदी अरबले रुससँग उत्पादन घटाउने प्रस्ताव गरेको थियो । प्रस्ताव रुसले नमानेपछि साउदी अरबले कच्चा तेल खरिदमा छुट दिने र कच्चा तेलको उत्पादन समेत बढाउने घोषणा गरेको छ । ओपेक देश र रुसबीचको तेलको युद्दले यसको मूल्य अझै घट्ने अनुमान गरेको अन्तराष्ट्रिय संचारमाध्यमहरुले जनाएका छन् ।
नेपाल आयल निगमले मासिक ५० करोड आम्दानी गर्न थालेको छ । उपभोक्ताको ढाड सेकेर निगमले मासिक ५० करोडभन्दा बढी आम्दानी गर्न थालेको छ । तेलको मुल्य हरेक १५ दिनमा परिवर्तन हुन्छ । नेपालले पनि पेट्रोलियम पदार्थको मूल्य घटाउनु पर्ने हो । तर हालसम्म नघटाएको र उपभोक्ताको ढाड सेकिरहेको छ ।
