चैत ६ देखि एसइई परीक्षा (तालिकासहित)
यस वर्षको माध्यमिक शिक्षा परीक्षा (एसइई)को परीक्षा आगामी चैत पहिलो साताबाट शुरु हुने भएको छ । हिजो (सोमबार) बसेको राष्ट्रिय परीक्षा बोर्डको बैठकले यस वर्षको एसइईको परीक्षा आगामी चैत ६ देखि १७ गतेसम्म सञ्चालन गर्ने निर्णय गरेको हो ।
राष्ट्रिय परीक्षा बोर्डका सदस्य सचिव दुर्गा अर्यालले यस वर्षको एसइईमा नियमिततर्फ करिव चार लाख हुने बताएका छन् ।
परीक्षा फारम भर्ने समय यही पुस ९ गतेसम्म रहेकाले एक्जाम्टेडतर्फका विद्यार्थीसहित करिव पाँच लाख विद्यार्थी सहभागी हुने अनुमान रहेको उनले जानकारी दिए ।
एसइईका परीक्षा नियन्त्रक रामराज खकुरेलले शुरुको दिन अनिवार्य अंग्रेजी विषय रहेको र प्राविधिकसहित १७ चैतमा सबै विषयको परीक्षा सकिने जानकारी दिए ।
