हुन्डीदेखि सुन तस्करसँग यति एयरका सोनामको कनेक्सन

हाम्रो इकोनोमि

 

 

हुन्डीबाट अरबौंको कारोबार भइरहेको भए पनि प्रहरीले आँखा चिम्लने गरेको छ । काठमाडौंको न्यूरोडमा जयरत्न बचत तथा ऋण सहकारी संस्थामार्फत् बच्चु पौडेलले हुन्डीको कारोबार गर्दैआएका छन् । र, त्यसमा अपराध अनुसन्धान महाशाखाका प्रमुख एसएसपी सहकुलबहादुर थापाले पनि संरक्षण गर्दैआएको आरोप छ । सिन्धुपाल्चोक उद्योग बाणिज्य संघका पूर्वअध्यक्ष तथा हाल नेपाल उद्योग बाणिज्य महासंघका केन्द्रीय सदस्य कमल श्रेष्ठले नै बच्चु पौडेललाई एसएसपी थापासँग समन्वय गराउने काम गरेका थिए ।

 

अरबौंको हुन्डी कारोबार गरी राष्ट्रको अर्थतन्त्र खोक्रो पार्ने पौडेलहरुको बारेमा आइजीपी सर्वेन्द्र खनाललाई पनि एसएसपी थापाले झुटो रिपोर्ट बुझाउँदै बेबकुफ बनाउँदै आएको स्रोत बताउँछ । उनीहरुको हुन्डी कारोबारमा संलग्लनता नभएको झुटो रिपोर्ट थापाले आइजीपीलाई दिंदैआएका छन् ।

बच्चु पौडेलका दाजुभाइ नै हुन्डी कारोबारमा संलग्न रहेका छन् । सिन्धुपाल्चोकका बच्चु पौडेल, धु्रव पौडेल र नारायण पौडेल दाजुभाइ हुन् । यी पौडेल दाजुभाइको पहिचान भनेको सुन, डलर र हुन्डीको अवैध कारोबारीका रुपमा हुँदैआएको छ । उनीहरु हुन्डी, सुन र डलरको कारोबारबाट रातारात अरबपति भएका भनेर सिन्धुपाल्चोकमा चिनिन्छन् । नारायण पौडेल केही बर्षअघि हङकङबाट ऊन आयात गर्ने भनेर एलसी खोल्ने गर्थे । डलर हङकङ पठाउने र उताबाट ऊन ल्याउँदैनथे । तर भन्सारबाट ऊन आयात भएको देखाउँथे ।

 

ऊन ल्याएको कीर्ते कागज र नक्कली सरकारी छाप सहितको कागजात अपडेट गर्ने माष्टरमाइन्डको धु्रव पौडेलका छोरा सुमन पौडेलले गर्ने गरेका थिए । यसरी करोडौं डलर एलसी खोली हङकङ पठाइसकेका नारायण पौडेलहरुका कारण विदेशी मुद्रा संचितिमै असर परेपछि प्रहरीले अनुसन्धान सुरु ग¥यो । र, नारायण बैंक हाताबाटै एलसी खोल्दाखोल्दै पक्राउ परेका थिए । अर्कैको नाममा ब्यापारीक फर्म खोली अबैध डलरको कारोबार गरेका पौडेल १५ महिनापछि जेलमुक्त भएका थिए । त्यसपछि पौडेल दाजुभाइ भूटानमा बसी सुनको अबैध कारोबारमा लागे । एकपटक उनीहरुको १८ किलो सुन लुटियो । तर प्रहरी लगाएर १० किलो लुटिएको सुन फेलापारेका थिए ।

 

प्रहरीलाई कुस्त घुस दिएर उनीहरुले १० किलो लुटिएको सुन लिन सफल भएको चर्चा हुने गरेको छ । हुन्डी, सुन र डलरको कारोबारी पौडेल दाजुभाइ पछिल्लो समयमा हाइड्रोपावरमा लगानी गरेका छन् । उनीहरुले हाइड्रोपावरमा कुन स्रोतबाट आर्जित रकम लगानी गरेका छन्, त्यसको खोजी राज्यले सम्पत्ति शुद्धिकरण अनुसन्धान विभागमार्फत् प्रभावकारी रुपमा हुने हो भने पुष्टी गर्न उनीहरुले नसक्ने सिन्धुपाल्चोकका एक ब्यापारी नै बताउँछन् । हाइड्रोपावरको उत्पादन क्षमता भन्दा पनि बढी बैंकका सीईओहरुसँग मिलेर ऋण समेत लिने गरेका छन् । सीईओहरुलाई पौडेलहरुले प्रभावमा पारी ऋण लिएकाले बैंक डुब्ने जोखिम पनि उत्तिकै छ ।

डलर, सुन र हुन्डीको कारोबारमा रहेका बदनाम पौडेल दाजुभाइ छानबिनबाट बच्नका लागि जुन पार्टी सत्तामा आयो, त्यही पार्टीको निकट हुने गरेका छन् । विगतमा बिष्णु खत्रीसँगै कांग्रेसमा रहेर २०७० को चुनावमा पनि तत्कालीन एमाले र माओवादी हराउन सबै खाले सहयोग गरेका उनीहरु अहिले नेकपाको निकट हुन पुगेका छन् ।

 

यस्ता बदनाम पौडेल दाजुभाइसँग नेपालको चर्चित ब्यापारीक समूह यति ग्रुप र थामसेर्कु टे«किङका लाक्पासोनाम शेर्पा जोडिन पुगेका छन् । प्रधानमन्त्री केपी शर्मा ओलीसँग अति निकट रहेका यति एयरका शेर्पाले नारायणहिटी संग्रहालय अगाडिको नेपाल ट्रष्टसँग लिजमा लिएको जग्गा यिनै हुन्डीका कारोबारी बच्चु पौडेललाई सबलिजमा ब्यापारीक कम्लेक्स निर्माणका लागि दिएका छन् ।

 

लिजमा लिनेले नै जग्गा उपयोग गर्नुपर्ने हुन्छ । तर कानुनको उल्लंघन गर्दै सोनामले बच्चु पौडेलका दाजुभाइ र अर्का हुन्डी तस्कर गोविन्द सरियालाई सब लिजमा ब्यापारिक कम्लेक्स बनाउन दिएका छन् । जुन कम्प्लेक्स तयार भइसकेको छ । उक्त कम्प्लेक्समा पनि हुन्डी, डलर र सुन तस्करीबाट आर्जित कालोधन लगानी भएकाले सम्पत्ति शुद्धिकरण अनुसन्धान विभागले छानबिन गर्नुपर्ने माग हुन थालेको छ ।

 

त्यसो सिन्धुपाल्चोकको तातोपानी नाकामा ब्यापार गर्ने पौडेलहरुको मात्र होइन, अधिकांश ब्यापारीको छवि राम्रो छैन । सिन्धुपाल्चोक उद्योग बाणिज्य महासंघको नेतृत्वमा रहेका तथा सिन्धु विकास बैंकका अध्यक्ष समेत रहेका राजेन्द्र श्रेष्ठका भाइ लागूऔषध कारोबार गर्दागर्दै तिब्बतमा पक्राउ परेपछि अहिलेसम्म चीनकै जेलमा संजाय भोगिरहेका छन् । उनी जेलमुक्त भएर नेपाल आएपछि राजेन्द्र श्रेष्ठदेखि बच्चु पौडेलका दाजुभाइसँग आक्रोसित छन् । उनीहरुले गर्दा नै आफू पक्राउ परेको तर आफू जेल परेपछि आफ्नो परिवारलाई कसैले पनि नहरेकोमा उनी आक्रोसित भएका छन् ।

 

राजेन्द्र श्रेष्ठले सिन्धु विकास बैंकको जग्गा खरिददेखि कर्जा लगानीमा कमिसन खाएको भनेर संचालक समितिमै तीव्र विवाद भएर केहीले राजीनामा समेत दिइसकेका छन् । आजको साँघु साप्ताहिकमा समाचार छ ।