कालापानी भारतले सीमा मिचेको हो, राजा महेन्द्रले बेचेका होइनन्–परराष्ट्रमन्त्री
परराष्ट्रमन्त्री प्रदीप ज्ञवालीले सीमा विवादलाई लिएर कसैको आलोचना नगर्न आग्रह गरेका छन् । केही समययता सामाजिक सञ्जालमा तत्कालिन राजा महेन्द्र र प्रधानमन्त्री मात्रिकाप्रसाद कोइरालाले कालापानी बेचेको भ्रमपूर्ण प्रचार गरिएपछि परराष्ट्रमन्त्री ज्ञवालीले कुनै ब्यक्तिप्रति आरोप नलगाउन आग्रह गरेका छन् ।
देश बेच्ने अधिकार न राजालाई थियो न प्रधानमन्त्रीलाई । कसैलाई मिथ्या आरोप लगाउनु राम्रो होइन’ ज्ञवालीले भने ‘राजा महेन्द्रले कालापानी बेचेका होइनन् भारतले सीमा मिचेको हो ।’ सीमा मिचिएका बिषयमा स्पष्टरुपमा बोल्दै र कुटनीतिक सम्बन्ध राख्दै आएका ज्ञवाली तथ्य प्रमाणका आधारमा भारतसँग कुरा गर्ने बताए ।
कान्तिपुर टेलिभिजनको फायरसाइडमा बोल्दै ज्ञवालीले देशका तर्फबाट स्पष्ट अडान राखेका छन् । भारतीय पक्षसँग सीमा विवादका बिषयका कुरा अघि बढीसकेको बताए । झण्डै ७ दशक यता भारतले नेपालका दर्जनौ स्थानमा सीमा मिचिरहेको छ । तरपनि कुनै सरकारले यति स्पष्टसँग आफ्नो कुरा राखेका थिएनन् । मन्त्री ज्ञवालीले आफ्नो भूमि फिर्ता ल्याउन तथ्य प्रमाण जुटाइरहेको बताए ।
भारतले पछिल्लो समय निकालेको आफ्नो नयाँ राजनीतिक नक्सामा लिपुलेक, लिम्पियधुरा भारतमा राखेको छ । त्यसपछि उत्पन्न विवादले नेपाली समाज फेरी एकपटक तातिएको छ । सरकाले पनि ७ दशक लामो समस्या सामधानका लागि राष्ट्रिय सहमति जुटाएको छ ।
पञ्चायतकालदेखि निरन्तररुपमा नेपालका सीमाहरु मिचिदै गएका छन् । तरपनि कुनै सरकारले बोल्ने आँट गरेका थिएनन् । तर मन्त्री ज्ञवालीले स्पष्टरुपमा आफ्नो धारणा राख्दै आएका छन् ।
