ससुराको हत्या गर्ने बुहारी पक्राउ
घरायसी विवादमा ससुराको हत्या गर्ने बुहारीलाई प्रहरीले पक्राउ गरेको छ ।
मन्थली नगरपालिका १२ को गेलु बस्ने वर्ष ६५ का डिकबहादुर आछामीको हत्या गर्ने २१ वर्षीया बुहारी पार्वती आछामी (सार्की) पक्राउ परेकी हुन् ।
मगंलबार घरमा बुहारी र ससुरा मात्रै रहेको समयमा बुहारीले चिर्पट प्रहार गरेर ससुराको हत्या गरेकी थिइन् । ससुराको हत्यापछि उनले गाउँमा ससुरा मृत अवस्थामा भेटिएको भन्दै होहल्ला गरेकी थिइन् ।
प्रहरीले घटनास्थलको प्रकृति हेर्दा मृतक डिकबहादुरको हत्या भएको आशंका गरेपछि बुहारी पार्वती आछामीलाई नियन्त्रणमा लिएर सोधपुछ गरेको थियो ।
सोधपुछको क्रममा उनले चिर्पट प्रहार गरी ससुराको हत्या गरेको स्वीकार गरेको जिल्ला प्रहरी कार्यालय रामेछापका प्रहरी निरीक्षक (इन्स्पेक्टर) रविभुषण यादवले जानकारी दिनुभयो ।
मृतक डिकबहादुरका तीन जना छोराहरु रोजगारीको सिलसिलामा देशबाहिर छन् ।
