नेपाल र किर्गिस्तानबीच आज भलिबल प्रतिष्पर्धा हुँदै
एभीसी पुरुष सिनियर सेन्ट्रल जोन भलिबल च्याम्पियनसिपअन्तर्गत आज नेपाल र किर्गिस्तानबीच प्रतिस्पर्धा हुँदैछ ।
दिउँसो चार बजे नेपालले लगनखेलस्थित आर्मी कभर्डहलमा किर्गिस्तानको सामना गर्नेछ । प्रतियोगिता आजैबाट शुरु हुँदैछ ।
पहिलो खेलमा नै जीत निकाल्दै सेमिफाईनल पुग्ने नेपाली टोलीको योजना छ । प्रतियोगिताअन्तर्गत समूह ए मा नेपाल र किर्गिस्तानसहित माल्दिभ्ससमेत छ ।
समूह बी मा तुर्कमेनिस्तान, उब्जेकिस्तान, बंगलादेश र अफगानिस्तान छन् ।
तुर्कमेनिस्तान र अफगानिस्तानबीचको खेल अहिले बिहान १० बजे शुरु हुनेछ । उब्जेकिस्तान र अफगानिस्तान पनि बेलुकी ६ बजे भिड्नेछन् ।
