चालक निदाउँदा त्रिशुलीमा बस खस्यो, मृतकको संख्या ४, अझै २५ बेपत्ता
सर्लाहीको मलङ्गवा राजधानी काठमाडौं आउँदै गरेको बस त्रिशुली नदीमा खस्दा मृत्यु हुनेको संख्या चार पुगेको छ । मलंगवाबाट आएको ना ६ ख ७४६९ नम्बरको बस शुक्रबार बिहान ३ बजे त्रिशूली नदीमा खसेको थियो ।
दुर्घटनामा मृत्यु हुनेको संख्या बढ्न सक्ने आँकलन गरिएको छ । घाइते १६ जनाको सामान्य उपचारपछि काठमाडौं पठाइएको छ भने २५ यात्रृ अझै हराइरहेका छन् । जिल्ला प्रहरी कार्यालयका प्रमुख प्रहरी उपरीक्षक राजकुमार बैदवारले हराएका यात्रृहरुको खोजिकार्य जारी रहेको बताए । कति जना बेपत्ता छन् एकिन छैन तर २५ भन्दबढी यात्रृ हराएको अनुमान गरिएको छ । मलंगवाबाट आएका यात्रृहरुको संख्या थाहा भएपनि बीच बाटोबाट चढेका यात्रृको संख्या एकिन हुन सकने हामी बुझ्दैछौँ’ प्रहरी उपरीक्षक बैदवारले भने ।
दुर्घटना चालक निदाएका कारण भएको आशंका प्रहरीले गरेको छ । विहान ३ बजेको समयमा दुर्घटना भएकाले चालक निदाएर भएको आँकलन गरिएको छ ।
