पेट्रोल, डिजल र मट्टीतेलको मुल्य फेरी बढ्यो, अब कति पुग्यो
नेपाल आयल निगमले पेट्रोल, डिजल र मट्टीतेलको मूल्य बढाएको छ।पेट्रोलमा एक रुपैयाँ र डिजल तथा मट्टीतेलको मूल्य भने लिटरमा एक रुपैयाँ र ५० पैसा बढाएको छ।
अब उपभोक्तालाई काठमाडौंमा पेट्रोल एक सय नौ रुपैयाँ र डिजल तथा मट्टीतेल भने ९७ रुपैयाँ पर्नेछ। निगमले हवाई इन्धनको मूल्य भने यथावत राखेको छ।
खाना पकाउने एलपी ग्यासको मूल्यमा भने सिलिन्डरमा २५ रुपैयाँ मूल्य घटाएको छ । निगमले मंगलबार रातिदेखि लागू हुने गरी ग्यासको मूल्य घटाएको हो। अब उपभोक्ताले ग्यास १३ सय ७५ रुपैयाँमा पाउनेछन्।
यसअघि ग्यासको मूल्य १४ सय रुपैयाँ थियो।
