प्रधानमन्त्रीपत्नी राधिका शाक्यको पैसा बाटैमा बेपत्ता
उपकरण उही, प्रविधि उही । तर, प्रधानमन्त्री केपी ओलीले यसचोटि आफ्नो स्वास्थ्य परीक्षणका निम्ति बैंकक हैन, सिंगापुर रोज्नुभयो । गत वर्ष भदौ ९ मा बैंकक पुग्नुभएकोमा यसचोटि अन्तै मोडिनुभएको हो ।
बैंककमा जस्तो देशका प्रधानमन्त्रीको हेरचाह गर्नलाई सिंगापुरमा नेपाली दूतावास छैन । परिवत्र्य मुद्राका दृष्टिले पनि त्यो महंगो ठाउँ हो । यसो गर्नुको विभिन्न कारणमध्ये एउटा हुनसक्छ, बैंकक बस्ने केही नेपालीले भिआईपीको नाम भजाई ठगी धन्दा चलाउनु । चार वर्षअघि उपचारक्रममा बैंकक जाँदा पाहुना लाग्न जाने क्रममा प्रधानमन्त्रीपत्नी राधिका शाक्यको सात सय डलर बाटैमा लुटिएको थियो । व्यस्त बैंककको सुखुम्भित– १ मा बुमराङग्राड अस्पताल, ७३ मा नेपाली दूतावास अनि प्रतुना भन्ने ठाउँबाट सुरज शाक्य भन्नेले श्रीमतीमार्फत् अस्पतालमा दिनहुँ खाना पु¥याउन पठाउने । एकदिन उनैले बोलाएको ठाउँमा खान जाने क्रममा लुटपाटको घटना भएको हो ।
पाटन घर भएका सुरजले ललित मण्डप नामक ट्राभल एजेन्सी चलाएका थिए । उनैको थियो, पुल्चोकस्थित हार्दिक फिटनेश सेन्टर, जहाँ स्विमिङपुलसहित अत्याधुनिक फिटनेशका सामान थिए । ललित फाइनान्समा पनि लगानी थियो । सेनाको एकजना कर्णेललाई ठगे । मामा दुई करोड यी भान्जाले डुबाइदिएका कारण चोभार गएर, आँखामा पट्टी लगाई हाम्फाले । महापाल बस्ने साथी यिनैको ठगीको शिकार भएर हृदयघातका कारण ढले । यता आफन्त र साथीभाइ डुबाउँदै बैंकक पुगेपछि एकजना जापानीलाई पनि ठग्न भ्याए । उनको एक लाख डलर ठगेर मुद्दा झेल्ने अवस्थामा पुगी डिपोर्टको खतरा निम्त्याए ।
उनीसँगै अर्का नेपाली छन्, दिनेश श्रेष्ठ । यिनले काठमाडौं फर्किने यात्रुलाई सुन बोकाएर पठाउने धन्दा चलाएको बताइन्छ । सुन बोक्न आनाकानी गर्नेलाई प्रधानमन्त्रीको नाम लिँदै भन्छन्, ‘केही परे भन्नु, हामी छुटाउँछौँ †’ अर्का छन्, सुनिल खड्का । उनले पूर्वयुवराज पारसलाई बैंकक बस्दा प्रेमिका मिलाइदिने, गाँजा व्यवस्थापन गर्नेजस्ता काम गर्थे । अहिले भर्खर होटल म्यानेज्मेन्ट पढ्न गएका दुई युवतीसहित १० जनालाई बिचल्ली गराउने यिनै हुन् । काम आफू बिगार्ने, तर त्यहाँका नवनियुक्त राजदूत गणेश ढकालले नै दलाली गरे भन्दै फेसबुक फण्डामा सक्रिय छन् ।
स्वदेशमा भए कारवाही, किनारा गर्ने उपाय हुन्थ्यो । विदेशमा कसले, कहाँ उजुर गरोस् † फलतः धुन्धुकारीहरु उन्मुक्त छन् । जब नेपालबाट उच्चपदस्थ व्यक्ति उपचार वा भ्रमणका लागि त्यहाँ पुग्छन्, तब यो गिरोह चारैतिरबाट छोप्न पुग्छ । यिनै सुरज शाक्यले वर्षमान पुन पह्रार उपचारका लागि पुग्दा छपक्कै ढाकेका थिए । उनको उठबस, फोटो सेसनले भिआइपीको नाम बेचेर खाइजीविका चलेको र, अहिले सम्माननीय प्रधानमन्त्री त्यस्तै गिरोहको फन्दामा बदनामीको शिकार हुन नपरोस्, भदै बैंकक नगई सिंगापुर पुग्नुभएको खबर छ ।
जनआस्थाबाट
