पूर्वराजा ज्ञानेन्द्रको भाषण बिक्रीमा, मूल्य ५५५५ (भिडियोसहित)

 

हिमानी कोषले पूर्वराजा ज्ञानेन्द्र शाहको सन्देश संग्रह बिक्रीमा ल्याएको छ । यसको मूल्य ५ हजार ५ सय ५५ रुपैयाँ तोकिएको छ ।कोषले आइतबार बालुवाटारमा गरेको कार्यक्रममा पूर्वयुवराज्ञी हिमानी शाहले पुस्तक सार्वजनिक गरेकी थिइन् । पूर्वराजा शाहले कोषलाई ५ सय प्रति उपलब्ध गराएका छन् ।

यो किताबमा पूर्वराजाले २०५८ देखि २०७६ सालसम्म विभिन्न समय दिएका अन्तर्वार्ता, राष्ट्रिय तथा अन्तर्राष्ट्रिय समारोहमा गरेको सम्बोधन, पूर्वराजाले लेखेको ‘मेरो अन्तर्मनको स्पन्दन’ समेटिएको कोषले जनाएको छ । संग्रह भने २ हजार प्रति छापिएको छ । यो पुस्तक बिक्रीबाट उठ्ने पैसा कोषको दैवी प्रकोप उद्धार कोषमा जम्मा हुने हिमानीले जनाएकी छन्।