प्रहरी चौकी गेट नजिकबाट २ बालक अपहरण
काठमाडौंस्थित जय बागेश्वरीबाट मकवानपुर जिल्लाका दुई बालक अपहरण परेका छन् । मकवानपुरस्थित बकैया गाउँपालिका वडा नं. ४ का किरण हटवाल र कृष हटवाल अपहरण परेका हुन् । उनीहरु दाजुभाई हुन् ।
काठमाडौं गौशालास्थित् जय बागेश्वरीमा रहेको बाल सारथी एकेडेमी विद्यालयमा कक्षा २ मा अध्यायनरत वर्ष १५ का कृष हटवाल र वर्ष १२ का किरण हटवाल अपहरण परेका हुन् ।
महानगरीय प्रहरी परिसर गौशालाका डिएसपी प्रदिप कुमार सिंहले उज्यालो नेटवर्कलाई दिएको जानकारी अनुसार उनीहरुलाई बिहीबार राति १० देखि ११ बजेको बीचमा अपहरणकारीले नियन्त्रणमा लिएको हो ।
उनका अनुसार अपहरणकारी र दुई बालकको खोजीकार्य जारी छ । ती बालकका बुवाले गौशाला प्रहरी चौकीभन्दा ५० मिटर दक्षिणमा पार्किल स्थल सञ्चालन गर्दै आएका छन् ।
विद्यालय समय सकेर नियमित रुपमा ती बालकद्धय पार्किङस्थल जाने गरेका थिए । बिहीबार राति पार्किङस्थल पुगेपछि उनका बुवा खाना खान घर गएका थिए । उनका बुवा राजेश हटवाल खाना खाएर फर्किने क्रममा छोराहरु गायब भएका थिए । उनीहरु हालसम्म गायब नै छन् ।
