पैसा लिएर काम नगर्ने ठेकेदारलाई प्रधानमन्त्रीको यस्तो चेतावनी
प्रधानमन्त्री केपी शर्मा ओलीले ठेकेदारहरुलाई दिइने ‘मोबिलाइजेसन कस्ट’ (काम सुरु गर्नुअघि दिने पेस्की) मा कडाइ गर्न विकासे मन्त्रालयका मन्त्री र सचिवलाई निर्देशन दिनु भएको छ ।
सबै मन्त्रालयसँग कार्यसम्पादन सम्झौता गर्दै प्रधानमन्त्रीले विशेषगरी आयोजनाको जिम्मा लिने तर समयमा काम नगर्ने प्रवृत्ति रोक्नका लागि मोबिलाइजेसन खर्चमा कडाइ गर्नुपर्ने बताउनु भएको हो ।
कुनै पनि आयोजना ठेक्का लागेपछि सुरुमै ‘मोबिलाइजेसन कस्ट’ बापत २० प्रतिशत रकम दिने व्यवस्था रहँदै आएको छ । यही व्यवस्थाको फाइदा उठाउँदै ठेकेदारले पेश्की रकम अन्यत्र लगाउने र मूल काम नगर्ने प्रवित्ति छ । ‘मोबिलाइजेसन कस्ट’ लिने र काम अड्काउने भइरहेको भन्दै उहाँले चिन्ता व्यक्त गर्नुभयो ।
यसमा कडाइ गर्नुपर्ने प्रधानमन्त्री ओलीको धारणा रहेको छ । कामको जिम्मा लिएपछि समयमा पूरा नगरे त्यसका लागि कतैबाट छुट र सहुलियत नहुने उहाँले स्पष्ट पार्नुभयो ।
