विप्लव माओवादीद्धारा कब्जा, भौतीक कारबाही गर्ने भनेपछि अवस्था तनावग्रस्त !
लामो समय देखि सरकारद्धारा प्रतिवन्धको मार खेप्दै आएको नेत्रबिक्रम चन्द विप्लव समूहले कैलालीमा घर जग्गा कब्जा गरेको छ । पार्टीले कैलालीको बौनियामा ४ जनाको घर जग्गा कब्जा गरेको खुल्न आएको छ । पार्टीको जनपरिषद नेपाल बर्दगोरियाले ४३ विघा १७ कट्टा जमिन कब्जा गरेको हो । पार्टीले राजेन्द्र मल्ल र बीर बहादुर मल्लको ३५ विघा जमिन र घर कब्जा गरेको हो ।
यसैगरी देब बहादुर मल्लको ८ विघा घर जग्गा र सुदुरपश्चिम ग्रामिण विकास बैंकको स्वामित्वमा रहेको १७ कट्टा जमिन कब्जा गरेको हो । कब्जा गरिएको घर जग्गामा पार्टीले झण्डा र ब्यानर समेत लगाएको छ । गाडिएको ब्यानरमा सो जग्गा बिक्री वितरण गरेमा पार्टीले भौतिक कारवाही गर्ने समेत चेतावनी दिएको छ । फाइल तस्वीर
