चर्चित व्यवसायीले ऋण तिर्न नसकेपछि गरे आत्मह’त्या

 

चर्चित व्यापारीले ऋण तिर्न नसकेपछि आत्मह’त्या गरेका छन् । भारतका सबैभन्दा ठूलो कफी व्यवसाय सञ्चालन गर्दै आइरहेका चेन क्याफे कफी डे (सीसीडी) का संस्थापक वीजी सिद्धार्थले आत्मह’त्या गरेको भारतीय सञ्चारमाध्यमहरुले दावा गरेका छन् ।

उनी कर्नाटकका पूर्व मुख्यमन्त्री एसएम कृष्णाका ज्वाईं हुन् ।

उनको शव बुधबार बिहान मेंगलुरुको नेत्रावती नदीमा भेटिएको छ । मेंगलुरुका सांसद युटी खादरका अनुसार सिद्धार्थका साथी एवं आफन्तले शवको पहिचान गरिसकेका छन् ।

सोमबार राति उनी हराएपछि दुइ सयजना भन्दा धेरै जना खोजी अभियानमा जुटेका थिए । २७ जुलाईमा लेखिएको सिद्धार्थको एउटा पत्र सार्वजनिक भएको छ जसमा उनले इक्विटी पार्टनर तथा ऋणदाताहरुको दबाबबारे जानकारी दिएका छन् ।

उनले व्यवसायीको रुपमा आफू असफल भएको पनि पत्रकार उल्लेख गरेका छन् । पुलिस सोधपुछको क्रममा ड्राइभरले सिद्धार्थ उलाल शहरमा रहेको पुलसम्म घुम्न निस्किएका थिए । त्यहाँ उनले कार रोक्न लगाए र पैदल नै हिँडे ।

ड्राइभरले गाडीमै बसेर उनको प्रतिक्षा गरिरहेको र त्यसपछि पनि नआएपछि प्रहरीलाई सूचना दिएको बताए । घटनालाई लिएर प्रहरीले थप आवश्यक अनुसन्धान गरिरहेको जानकारी दिएको छ । उनीमाथि झण्डै ७ हजार करोड भारतीय रुपैयाँ ऋण भएको समाचारमा उल्लेख गरिएको छ । एजेन्सी