नेकपामा केपीभन्दा माधव, प्रचण्डभन्दा बादल शक्तिशाली
नेकपाभित्र पोलिटब्यूरो गठनको लामो छलफल र बहस भएपनि अन्तः दुई अध्यक्षको इन्टेष्टमा पोलिटब्यूरो गठन नहुँने भएको छ । दुवै दलले पोलिटब्यूरोको अन्तिम गृहकार्य गरी सूचि पनि तयार पारेका थिए । तर दुई अध्यक्ष नै पोलिटब्यूरो गठन गर्न चाहेनन् ।
पार्टीभित्रको शक्ति सन्तुलनमा अध्यक्षद्धय नै पोलिटब्यूरोमा कमजोर पर्ने भएपछि गठन हुन नसकेको तर्क नेकपाभित्र उठ्न थालेको छ । आफु कमजोर हुने भएपछि दुई अध्यक्षले नेकपाको गर्भमै पोलिटब्यूरो तुहाएका छन् ।
पूर्वएमालेमा पार्टी अध्यक्ष केपी शर्मा ओलीभन्दा बरिष्ठ नेता माधव नेपाल र पुर्वमाओवादीमा अध्यक्ष पुष्पकमल दाहाल प्रचण्डभन्दा सचिवालय सदस्य रामबहादुर थापा बादल शक्तिहाली बन्ने भएपछि पोलिटब्यूरो गठन नेकपाको गर्भमै तुहिएको छ । पोलिटब्यूरो गठन भए पूर्वएमालेबाट नेपाल समुहका धेरै नेता पर्ने निश्चित थियो ।
स्थायी समितिमा नअटेका तर पार्टीको केन्द्रीय समितिमा रहेर लामो समय काम गरेका धेरै नेता पोलिटब्यूरोमा समेटिदै थिए । तर यसरी समेटदा नेपाल पोलिटब्यूरोभित्र निकै शक्तिशाली हुने निश्चित थियो । जुन अध्यक्ष केपी शर्मा ओलीका लागि रुचिकर थिएन ।
उता पूर्वमाओवादीभित्र शक्ति आर्जन गरिरहेका गृहमन्त्री तथा सचिवालय सदस्य थापाले आफुपक्षका १८ केन्द्रीय सदस्यलाई पोलिटब्यूरो बनाउने तयारी गरेका थिए । पोलिटब्यूरो गठनको मापदण्ड बनाउँदा पनि बादल समुहका १८ जना पोलिटब्यूरो हुने निश्चित थियो । बादल समुहबाट १८ जना पोलिटब्यूरो बन्ने भएपछि प्रचण्डले पनि यो संरचना गठन गर्ने रुचि देखाएनन् ।
सांगठनिक संरचना अन्र्तगत नेकपाको विधानमा सचिवालय, स्थायी कमिटी, पोलिटब्यूरो र केन्द्रीय समिति छ । केन्द्रीय समिति, स्थायी र सचिवालय गठन भइसकेको छ । तर पोलिटब्यूरो भने दाउपेचको शिकार हुँदै नेकपाको गर्भमै तुहिएको छ । जिल्ला इन्चार्ज र सहइन्चार्ज तोकेपछि पोलिटब्यूरो गठनको सम्भावना सकिएको हो ।
कतिपय जुनियर नेताहरु जिल्ला इन्चार्ज बनेका छन् भने कतिपय सिनियर नेताहरु सहइन्चार्ज बनेका छन् । पोलिटब्यूरो गठन गर्दा सहइन्चार्जहरु पर्ने सम्भावना छ भने धेरै इन्चार्जहरु नपर्ने सम्भावना छ । पाटीभित्रको बरियता खलबलिने भएपनि पनि पोलिटब्यूरो गठनको आवश्यकता सकिएको निस्कर्ष नेकपा नेताहरुले निकाल्न थालेका छन् ।
