हिट केकी, हट फिटनेस, (पाँच तस्विर)

 

सफलतालाई शीर चड्न नदिने, असफलतालाई मुटुभित्र नराख्ने केकी अधिकारी नेपाली चलचित्रकी मानसिक र शारिरिकरुपमा फिट अभिनेत्री हुन् । उनको स्वस्थ्य मानसिकता अध्ययनदेखि अभिनयसम्म देखिन्छ भने शारिरिक स्वस्थतामा अझै भनेजति फिट हुन सकेको छैन ।

नेपाली चलचित्रभित्र सुन्दर अभिनेत्री केकीले पछिल्लो समय आफ्नो शारिरिक स्वस्थतालाई पनि ध्यान दिन थालेकी छिन् । योगादेखि जुम्बासम्म उनको समय बित्ने गरेको छ । हलिउडदेखि बलिउडसम्मका धेरै अभिनेत्री आधा समय जिममा विताउने गर्दछन् । तर नेपालका अधिकाँस अभिनेत्रीहरु जिम जाँदैनन् । तर केकी भने शारिरिक अभ्यासमा कुनै कमी आउन दिएकी छैनन् । -आधा समय योगा र आधा समय जुम्वामा विताउने गरेकी छु,- उनले भनिन् -मानसिक र शारिरिक स्वस्थताका लागि यो अनिवार्य नै छ ।

म्यूजिक भिडियोबाट रंगमञ्चमा आएकी केकीको यात्रा नेपाली चलचित्रमा एक दशक वितिसकेको छ । सन् २०१० मा नेपाली चलचित्रबाट डुेब्यू गरेकी केकीको जीवनमा धेरै सफलता र थोरै असफलता पनि हात लागे । उनले सफलतालाई शीर चड्न कहिलेपनि दिइनन् तर असफलतालाई आत्मसाथ पनि गरिनन् । स्वर फिल्मबाट डुेब्यू गरेकी केकीले पछिल्लो समय आप्mनै लगानीमा कोहलपुर एक्सप्रेस बनाइन । फिल्मको कथाबस्तु आकर्षक नभएपनि अभिनयनले फिल्म हिट नै भयो ।

चलचित्रसँगै केकीले टेलिशंखलामा पनि हात हालेकी छिन् । कमेडी च्याम्पियन नामक टेलिभिजन कार्यक्रम सञ्चालनको तयारीमा रहेकी केकी यसका कति सफल हुन्छिन् त्यो भने भविश्यले नतिजा देला ।

उनी यतिबेला जिम, योगामै ब्यस्त छिन् । -अलिकति पनि हेलचक्राई भयो भने मेरो शरिरमा त्यसको असर देखिन्छ,- उनले भनिन् -त्यही भएर पनि म अभ्यासमा ब्यस्त रहने गरेकी छु ।