खाना खाँदा यति सामान्य कुरा ख्याल गर्न सक्ने हो भने आधा भन्दा धेरै स्वास्थ्य समस्या चैट
आजको व्यस्त समयमा मान्छेलाई बसेर खाना खाने समयसमेत छैन । कैयौं मान्छे उभिएर नै खाना खान्छन् भने कोहीकोही हिँड्दै पनि खाने गर्छन् ।
तर, यसरी खाना खाँदा मेरुदण्डमा असर पर्नुका साथै मानसिक समस्या पनि हुन सक्ने एक अध्यनले देखाएको छ ।
उभिएर खाना खाँदा त्यो पच्न धेरै समय लाग्ने बताइन्छ । मान्छेले त्यस अवस्थामा सामान्य अवस्थाभन्दा बढी धेरै खाना खाने गर्छन् ।
अधिक खाना र ढिलो पाचन प्रक्रियाका कारण पेटसम्बन्धी समस्या उत्पन्न हुन्छ । बसेर खाना खाने बेलामा हामी जुन तरिकाले बस्छौँ, त्यो योगको एउटा प्रकारसँग मिल्दोजुल्दो छ ।
खुट्टालाई मोडेर बस्नु, खाना खाने थाल थाल्नका लागि अगाडि झुक्नु अनि फेरि सीधा भएर खाना खानुले पेटमा रहेका मांसपेसीको डाइजेस्टिभ जुस निकाल्न सहयोग गर्छ जसले खाना सजिलैसँग खाना खाने गर्छ ।
दिनहुँ भुइँमा बसेर खाना खानाले शरीर अझै लचकदार हुन्छ । भुइँमा बसेर हामी जुन तरिकाले खाना खान्छौं त्यी ढाडका लागि पनि राम्रो हुन्छ जसले गर्दा ढाडसँग सम्बन्धित पीडा पनि कम हुन्छ । बसेर खानाले पेट पनि छिटो भरिन्छ ।
त्यही बेला उभिएर खाना खाँदा मान्छेले बढी नै खाना खान्छ । त्यसैले बसेर खाना खानु शरीरलाई तन्दुरुस्ती राख्नका लागि पनि अति उत्तम हुन्छ ।
उभिएर खाना खाँदा हामी धेरै झुक्छौँ । सधैँ यस्तो गर्नुले यसको असर मेरुदण्ड पर्न सक्छ ।
भुइँमा बसेर खाना खानाले शरीरको रक्तसञ्चार पनि राम्रोसँग हुन्छ । पलेँटी कसेर बस्नाले नसा खुम्चिने समस्या पनि हट्छ । एजेन्सी
