समाजवादी पार्टीका पूर्व मन्त्री धमलासहित ५० जना नेता नेकपामा प्रवेश

हाम्रो इकोनोमि

 

समाजवादी पार्टीका पूर्वमन्त्री कल्पना धमलासहित ५० जना नेता सत्तारुढ नेपाल कम्युनिष्ट पार्टी (नेकपा) मा प्रवेश गरेका छन् ।  नयाँ शक्ति पार्टीसँगकाे एकता सम्मानजनक नभएको भन्दै तत्कालीन नयाँ शक्तिका नेताले नेकपामा नेकपाका अध्यक्षद्वय केपी शर्मा ओली र पुष्पकमल दाहाल प्रचण्डको उपस्थितिमा पार्टी प्रवेश गरेका हुन् ।

 

धुम्बराहीस्थित नेकपा पार्टी कार्यालयमा औपचारिक कार्यक्रमबीच पूर्वमन्त्री  धमलासहित, नयाँ शक्तिका सचिवालय सदस्य देवेन्द्र पराजुली, केन्द्रीय महिला संगठनकी संयोजक मनु हुमागाईँ लगायत ठमेलका केही व्यवसायी र गोरखाका नेता तथा कार्यकर्ता नेकपामा प्रवेश गरेका हुन् ।