ईश्वरीले आमाको हत्या गर्नुको यस्तो रहेछ रहस्य, सबै भए चकित
हुन त अपराधको सोच बनाउनेहरूका लागि के प्रेम, के सम्बन्ध । यसकै उदाहरण हुन्, ईश्वरी भट्टराई । जसले आमा सावित्रिको हत्याका लागि १२ लाखको डिल आफ्ना विवाहेत्तर सम्बन्धका पात्र, महोम्मद नौशाद ।
घर परिवारले उनको रोजाईलाई कहिले पनि रोकेको थिएन । त्यसैले ९ बर्षअघि ईश्वरीले रोजेको सोनाम थापामगरसँग जात नमिल्दा पनि धुमधामसँग बिहे गरिदिए । कारण थियो, ईश्वरीको सोनामसँगको प्रेम ।
ईश्वरी यत्तिको सम्बन्धमा मात्र सन्तुष्ट भइनन् । उनको प्रेम भनौ वा यौन आशक्ति यतिविध्न कठोर बन्यो, छानेका पतिको आँखा छलेर सम्बन्ध स्थापित भयो, नौशादसँग ।
छोरीको बानी र व्यवाहारसँग आमा सावित्री जानकार थिइन्, त्यसैले बिहेबारी जीवन नविग्रियोस भनेर उनी छोरीको डेरामा बस्न थालिन् । ६० बर्षिया भट्टराई छोरी ईश्वरीको चाँगुनारायण, भक्तपुरस्थित छोरी ईश्वरीको घरमा बस्दै आएकी थिइन् ।
छोरी ईश्वरीको नौसादसँगको अवैध सम्बन्धबारे जानकार सावित्री छोरी–ज्वाइँको घर नभाँडियोस् भन्ने चहान्थिन् । यो सम्बन्ध टुटाउनका लागि सावित्रीले नौशादलाई विदेश पठाइन्, एक लाख लगानी गरिदिएर । ९ जेठ २०७६ मा नौशाद दुबई उडेका थिए ।
दुबई पुगेको केही दिनमै नौशादले आफू र ईश्वरीबीच भएका अन्तरंग सम्बन्धका तस्बिर सोनमलाई पठाइदिए । सोनामसँग सावित्रीले नै कुरा मिलाइन् र घरजम राम्रै चलिरहेको थियो ।
ईश्वरी र नौशादको यौन आशक्तिको सम्बन्ध यति गहिरो थियो कि, १० असार २०७६ मा उनी दुबईबाट फर्किए । सावित्रीले यो पनि थाहा पाएपछि छोरीको घर जोगाउनका लागि फेरि सिन्धुपाल्चोकबाट भक्तपुर आइन् ।
केही दिन अघि मात्र अर्की छोरीले जग्गा किन्न भनेर सावित्रालाई २२ लाख रुपैयाँ राख्न दिएकी थिइन् । काठमाडौं फर्किएका नौशाद छोरीकै लागि आएको सावित्रीले अनुमान गरिसकेकी थिइन् ।
१५ असारमा घरमा देखिएका नौशादलाई सावित्रिले गाली गरिन् । छोरीको घर नविर्गानका लागि चेतावनी पनि दिइन् । भोलाकुमार र रईस भन्ने दुई सहयोगीका साथ नौशाद आएका थिए ।
गत आइतबार महानगरीय प्रहरी परिसर भक्तपुरको टोलीले घटनास्थलमा पुग्दा सावित्रीको शव घाँटी रेटिएको अवस्थामा फेला पार्नुअघिको कारणसहितको पृष्ठभूमीमा हो, माथि उल्लेखित विषय ।
भक्तपुर प्रहरी र अपराध महाशाखाको टोली घटनास्थल पुगेर तत्काल अनुसन्धान थाल्यो । सावित्रीको मोबाईलमा अन्तिम पटक नौशादसँग सम्पर्क भएको थियो । प्रहरीका लागि त्यो फोन नम्बर नै घटना अनुन्धानका लागि निक्कै सहयोगी क्ल्यु थियो । यहि आधारमा प्रहरीले धादिङबाट नौशादलाई नियन्त्रणमा लियो । आइतबारै नौशाद नियन्त्रणमा लिएपछि उनको बयानका आधारमा घटनाका अन्य विवरण प्रहरीलाई पत्तो लगाउन सहज भयो ।
महाशाखाकाअनुसार नौशादसहित भारतीय नागरिक अर्जुनकुमार भन्ने भोलाकुमार र मोहम्मद रईश घटनामा प्रत्यक्ष संलग्न हुन् । रेम्बो चक्कुले सावित्रीको घाँटी रेटेर हत्या गरिएको पनि खुल्यो ।
नौशाद, भोलाकुमार र रईश १४ असारमा काठमाडौं छिरेका थिए । त्यो दिन ईश्वरीले नै नौशादलाई उपलब्ध गराएको सिमबाट कुराकानी भएको थियो । प्रहरीले यो पनि खुलायो कि, ईश्वरीको योजनाका आधारमा नै सावित्रिको हत्या भएको थियो ।
ईश्वरी नौशादसँगको सम्बन्धको यौन आशक्तिमा यति चुर्लुम्म भएको खुलिरहेको छ कि, हत्यामा उनका अनेक प्रकारका योजनाहरूबारे प्रहरीले थप अनुसन्धानबाट खुलाउन थालेको छ ।
