विप्लव समूहका रसुवा जिल्ला नेता बासु पाठक पक्राउ

 

नेत्र विक्रम चन्द विप्लव नेतृत्वको नेकपाका रसुवा जिल्ला सदस्य बासु पाठक पक्राउ परेका छन् । असार १५ गते पार्टीको कामको सिलसिलामा काठमाडौँ जाँदै गर्दा पाठकलाई प्रहरीले बाटैबाट पक्राउ गरेको बताइएको छ ।

 

विप्लव समूहका रसुवा जिल्ला इन्चार्ज कविन्द्रले एक विज्ञप्ति जारी गरी पाठकलगायतलाई तत्काल रिहा गर्न माग गरेका छन् । शान्तिपूर्ण हिँडडूल गर्न पाउने अधिकारी माथि राज्यले हमला गरेको भन्दै पार्टीमाथि लगाइएको प्रतिबन्धपछि पार्टीमाथि दमन तीब्र पारिएको आरोप लगाइएको छ । विज्ञप्तिमा यस्तो कार्य तत्काल रोक्न अनुरोध गर्दै अन्यथा प्रतिरोध गर्नुको विकल्प नभएको उल्लेख गरिएको छ ।