शान्ता चौधरीले पास गरिन् एसईई
नेपाल कम्युनिष्ट पार्टी नेकपाकी सांसद शान्ता चौधरी एसईई पास भएकी छन् । बिहीबार सार्वजनिक भएको नजिता अनुसार सांसद चौधरीले २.६५ ग्रेड ल्याएर एसईई पास गरेकी हुन् । गएको चैतमा भएको परीक्षामा सांसद चौधरीले महेन्द्र मावि तुलसीपुर केन्द्रबाट परीक्षा दिएकी थिइन् ।
उनकी १७ वर्षीया छोरी बिनुले पनि सिर्जना बाल विद्यालय काठमाडौँबाट एसईई दिएकी थिइन् । उनले भने बी प्लस ल्याएकी छन् ।
पूर्वकमलरी समेत रहेकी चौधरी तत्कालीन एमालेबाट २०६४ र २०७४ मा सांसद भएकी हुन् । उनी अहिले प्रतिनिधिसभामा नेकपाको सचेतक छन् । चाैधरीले अब उच्च शिक्षा अध्ययन गर्ने बताएकी छन् ।
