म लोकल रक्सी पिउँदै पिउँदिन, नेपाली वियर चाँहि खान्छु– हाँस्यकलाकार शिवहरी पौडेल

 

 

२५ बर्ष लगातार रक्सी सेवन गरेका हास्यकलाकार शिवहरी पौडेल बिगत ९ बर्षदेखि सदाचारी बनेका थिए । तर शुत्र गतेको फिल्मले फेरी उनको संगत मदिरासँग गराई दिएको छ । ‘२५ बर्ष रक्सी खाएपछि बीचमा ९ बर्ष छोडेको थिएँ, तर साथीले पिलायो मलाई’ उनले भने ‘राजधानी काठमाडौंमा मदिरा पिउँदिन, बाहिर गएको बेला छोड्दिन ।’

 

नेपाली हास्य जगतका अब्बल कलाकार हुन् शिवहरी पौडेल । तर उनी मदिराको कुलतबाट भने मुक्ति पाउन सकेका छैनन् । पहिले उनी लोकल रक्सी पनि पिउथे तर आजभोली विदेशी रक्सी र नेपाली वियर मात्र पिउने गरेका छन् । ‘म काठमाडौंमा रक्सी पिउँदिन किनकी यहाँ मापासेको समस्या छ, बाहिर त टन्न पिउन मन लाग्छ’ उनले भने ‘म लोकल रक्सी पिउँदिन, महँगो भएपनि विदेशी रक्सी नै पिउने गरेको छु । नेपाली वियर मात्र पिउछु ।’

 

विदेशी रक्सी पिने बानी गरेपछि जस्ले पायो त्यसले पिलाउन नसक्ने बताए । पिलाउन खोजेपनि थोरै पिलाउने गरेको उनको अनुभव छ । लोकल पिउन थाल्दा जसले पनि पिलाउन खोज्ने भएका कारण विदेश रक्सी मात्र पिउने गरको उनले बताए ।

 

नेपालका अधिकाँस कलाकार मदिराका शौखिन छन् । ति मध्येका शिवहरी पनि हुन् । उनले मदिराविनाको रात ९ बर्ष कटाए । तर फेरी उनी मदिरासँग रात विताउने गरेका छन् । मदिरा छोड्दा साथीहरुसँग साथ छुटेको अनुभव गर्दछन् । ‘ए त्यो त केही खाँदैन नबोलाउ भन्छन् साथीहरु, अहिले अलि साथ छुटेको छ’ पौडेले भने ।