सट्टेबाजी गिरोहका नाइके चितवनबाट पक्राउ
सट्टेबाजी गिरोहका चितवन ‘नाइके’ पक्राउ पक्राउ गरेका छन् । विश्वकप क्रिकेटको सट्टेबाजी गराइरहेको अवस्थामा प्रहरीले गिराेहका नाइके नवलपरासी प्रतापपुर गाउँपालिका-८ घर भइ भरतपुर महानगरपालिका-३ डेरा गरी बस्ने मुकेशकुमार साहलाई उनकै काेठाबाट मङ्गलबार राति पक्राउ गरेको हो ।
चितवनका विभिन्न स्थानहरुमा लुकिछिपी विश्वकप क्रिकेटको सट्टेबाजी भइरहको विशेष सूचनाको आधारमा जिप्रका चितवनका डिएसपी एकनारायण कोइरालाको नेतृत्वमा खटिएको प्रहरीले साहलाई ३ लाख ४५ हजार ६५ रुपैयाँ नगदसहित पक्राउ गरेको जनाएको छ ।
प्रहरीले उनको साथबाट विभिन्न कम्पनीका पाँच वटा माेबाईल समेत बरादम गरेको छ । यस्तै, ट्याब माेबाईल एक थान र विभिन्न बैंक तथा आईएमई लगायत पैसाको कारोवार सम्बन्धी भौचर दस्तावेजहरु पनि बरामद भएको प्रहरीले जनाएको छ ।
साह विगत लामो समयदेखि चितवनलाई अखडा बनाएर विभिन्न राष्ट्रिय तथा अन्तर्राष्ट्रिय खेलहरुमा सट्टेबाजी गर्ने/गराउने काम संलग्न रहँदै आएको प्रहरीको प्रराम्भिक अनुसन्धानबाट खुलेको चितवन प्रहरी प्रमुख एसपी दानबहादुर मल्लले जानकारी दिए ।
साहले अन्य व्यक्तिहरु समेतलाई आवद्ध गराई एक आपसमा बाजी थापी/थाप्न लगाई क्रिकेट सट्टेबाजी गराइरहेको अवस्थामा पक्राउ गरिएको एसपी मल्लले बताए ।
साहले नेपाली तथा भारतीय नागरीकहरु समेतलाई आवद्ध गराई ठूलै रकमको सट्टेबाजी गराउँदै आएको र नेपाली तथा भारतीय नागरीकहरु समेत उनको सम्पर्कमा आई विभिन्न समयमा सट्टेबाजीको रकम आदान-प्रदान गर्ने गरेको खुलेको छ ।
पक्राउ परेका साहउपर मुलुकी अपराध संहिता, २०७४ को परिच्छेद ५ सार्वजनिक हित, स्वास्थ्य, सुरक्षा, सुविधा र नैतिकता बिरुद्धको कसुर अन्तर्गत दफा १२५ (जुवा खेल्न वा सट्टाबाजी गर्न नहुने) को उपदफा ४ बमोजिम मुद्दामा कारवाही अघि बढाइएकाे चितवन प्रहरी प्रमुख एसपी मल्ले बताए । यो कसुरमा बरामद बिगो जफत गरी १ बर्ष सम्म कैद र दश हजार रुपैयाँ जरिवानाको सजाँय हुने कानुनी व्यवस्था छ ।
