संसार लज्जित बनाउँने नेपालको यो तस्वीर, विद्यार्थी बेहोस भएर लडिरहे म्यामहरु मोबाइल हेरिरहे
विद्यालय विद्यार्थीका लागि दोस्रो घर हो । विद्यालयमा भएका शिक्षक तथा शिक्षिकाहरु उनीहरुका अभिभावक हुन । बालबालिकाको भविष्य कोर्ने स्थलका रूपमा विद्यालयलाई लिने गरिन्छ । विद्यालयमा प्रवेश गरेपछि घर नपुगेसम्म विद्यार्थीको हेरचाह गर्ने दायित्व उनीहरूकै हातमा हुन्छ ।
तर, मोरङको सुन्दरहरैचा नगरपालिकाको एक सामुदायिक विद्यालयमा भने केही फरक दृश्य देखिएको छ । सुन्दरहरैचा–११ स्थित महेन्द्र माध्यमिक विद्यालयमा अध्ययन गर्ने छात्रछात्रा बेहोस हुँदा पनि शिक्षिकाहरू भने मोबाइलमा व्यस्त देखिएका छन् । पटक–पटक एउटै कक्षाका विद्यार्थी बेहोस हुँदा पनि उनीहरूमा न कुनै चिन्ता थियो न त ख्याल नै गर्न भ्याएका थिए ।
सबै मोबाइल चलाउनै व्यस्त देखिन्थे । कक्षा ६ मा अध्ययन गर्ने विद्यार्थी दुईपटक बेहोस भइसकेका छन् । एउटै विद्यार्थी दुईपटक बेहोस हुँदासमेत शिक्षिकालाई कुनै चासो देखिएन । दुईपटक एउटै कक्षाका एउटै विद्यार्थी बेहोस भएको प्रधानाध्यापक सुनिलकुमार झाले बताए । गर्मीले हो वा कमजोरीले विद्यार्थी बेहोस भएका हुन सक्ने उनले बताए ।
प्रधानाध्यापक झाले बेहोस हुने विद्यार्थीको नाम भन्न नसक्ने जानकारी दिए । यो विद्यालयको इज्जत र प्रतिष्ठाको विषय भन्दै समाचार बनाउँन भन्दै अनुरोध गर्दै थिए । उनले स्कुलमै मोबाइल चलाउने शिक्षिकालाई हामी आन्तरिक कारबाही गर्ने पनि जानकारी दिएका छन् ।
