गलबन्दीलाई पछि पार्दै ट्रेन्डिङ १ मा ‘नाईं नभन्नु ल ५’
फिल्म ‘नाई नभन्नु ल(५’ युट्युबमा सार्वजनिक भएको छ ।
अभिनेत्री स्वस्तिमा खड्का, अनुभव रेग्मी र सेड्रीना शर्माको मुख्य भूमिका रहेको यो फिल्म युट्युबमा रिलिज भएको २४ घण्टा नबित्दै युट्युबको ट्रेन्डिङ नम्बर १ मा परेको छ ।
२०१८ को अगस्टमा प्रदर्शन भएको यस फिल्मलाई विकाश राज आचार्यले निर्देशन गरेका हुन् ।
फिल्ममा स्वस्तिमा खड्का, अनुभव रेग्मी र सेड्रीना शर्माका बाहेक अभिनेत्री निरुता सिंह, दिलिप रायमाझी, प्रियंका कार्की, केकी अधिकारी, लगायतका कलाकारको अभिनय रहेको छ ।
फिल्ममा कविराज गहतराजले कोरियोग्राफी गरेका छन् भने पुरुषोत्तम प्रधानले खिचेका छन्। यस फिल्ममा विकाश राज आचार्य र सामिप्य राज तिमल्सिनाको कथा रहेको छ ।
यो पनि पढौ : सेड्रिना भन्छिन् : सबैभन्दा धेरै ममिको याद आउँछ ……|”
चलचित्र नाई नभन्नु ल ५ बाट नेपाली चलचित्र जगतमा भित्रिएकी बाल कलाकार सेड्रिना शर्माले पहिलो चलचित्रबाट नै दर्शकको अत्याधिक माया पाउन सफल भइन् ।
उनको सुन्दर अनुहार र नरम बोलीले दर्शकलाई तान्ने गरेको छ । यस्तै सेड्रिनाले केही म्यूजिक भिडियोमा पनि काम गरिसकेकी छिन् ।
करिब ४ महिना पहिले पढाईका लागि भारत गएकी सेड्रिना ४ महिनापछि आफ्नो छुट्टीमा नेपाल आएकी छिन् ।
उनको छुट्टी धेरै समयको लागि भने छैन । उनी १ हप्ता भित्र नै भारत फर्किनेछिन् ।
यस्तै नेपाल आउने वित्तिकै दर्शकमा सेड्रिनाले अब फेरि केही काम गर्छिन् भन्ने आश जागेको छ ।
यस्तै सेड्रिनाले सुरु सुरुमा आफूलाई अर्कामा देशमा गएर बस्न निकै गाह्रो भएको बताइन् ।
उनले घरको याद धेरै आएर सुरु सुरुमा आफू निकै रुने गरेको पनि बताइन् । सेड्रिनाले आफ्नो पहिलो चलचित्र नै चर्चित बाल कलाकार अनुभव रेग्मीसँग गरेकी थिइन् ।
त्यसैले उनको नाम अनुभवसँग जोडिएर आउने गरेको छ । तर उनले अनुभव आफ्नो भाई भएको बताउँदै आएकी छिन् ।
त्यस्तै उनले नेपाल आइडल बाट चर्चामा आएका कृशल कडेलसँग पनि काम गरेकाले उनको नाम कृशलसँग पनि जोडिन्छ ।
उनले कृशल आफ्नो दाई भएको बताएकी छिन् । त्यस्तै अनमोल केसीसंग पनि फिल्म खेल्ने चाहना भएको बताएकी छिन ।
उनले भनेकी छिन ‘म हिरोइन भएपछि अनमोल केसीसँग फिल्म खेल्न चाहन्छु।
