पाँच कक्षा नकट्दै प्रेम ?

 

त्यसै भनिएको होइन ‘हुलमुलमा जिउ जोगाउनु, अनिकालमा बीउ जोगाउनु’ । कराँते सिकेको, ब्ल्याक बेल्टवाला भनेर के गर्नु ? दुईपक्षीय हुलमुलमा पर्दा अघिल्लो साता एक युवकको अनाहकमा प्राणपखेरु उडेको छ । बाँकी साथीहरू नख्खु कारागारको चिसो सिँढीमा थन्क्याइएका छन् ।

 

प्रसंग हो, ललितपुर पुल्चोकको छुरी काण्डको । अहिलेका बच्चा उम्रन नपाई तीनपाते । ५ कक्षा पढ्दैदेखि ब्वाईफ्रेण्ड÷गर्लफ्रेण्ड बनाउने र बर्सेनि फेर्ने । यस्तै जब्बर भएर निस्किइन् मनीषा शाक्य (नाम परिवर्तन) ।

 

मीनभवनस्थित क्यारिबिएन कलेजबाट प्लस टु सकाएर फुर्सदिलो रहेकी । तर, प्यारको मामलामा कमजोर उनी ५ कक्षा पढ्दादेखि नै चक्करमा परिन् । पहिलो प्रेमी रोजिन् अभिषेक शाही । यो प्रेम तीन वर्ष पनि टिकेन । मायाको डेरा सारिन् किसन तामाङतिर । जो सँगै पढ्थे । यता, आफ्नो प्रेयसी खोसेर लगेको प्रतिशोध थियो अभिषेकहरूलाई । मात्र थिए, प्रतिशोध साँध्ने समयको प्रतीक्षामा । साइत जु¥यो गत साता । हातपातै गर्नुपर्ने घटना भएको केही थिएन ।

 

प्रेमिका खोसेको हिसाब–किताब मात्र चुक्ता गर्नु थियो । अघिल्लो दिन उनैको समूहले किसनको बाइकको लुकिङ ग्लास फुटाइदियो । र, त्यही निहुँमा भोलिपल्ट हातपातको स्थिति आयो । आखिर सानै हुन्छ झगडा र आगोको बीउ । यही विषयले यति उग्ररूप लियो कि ग्याङ फाइटकै स्थिति आयो । यही निहुँमा सेन्ट जेभियर्सअगाडि गल्लीमा अभिषेक र किसनको हानाहान भयो । यही घानमा मिसिन आएका थिए अनशल शाक्य जो कराँतेको ब्ल्याक बेल्टवाला, साथी हुन् अभिषेकको ।

 

उनले कराँतेको काँटा देखाउँदै थिए । तर, कृष्ण तामाङहरूले अगाडि र पछाडिबाट छुरा धसे । अगाडिबाट हानेको छुरी मुटुको छेउबाट र पछाडिबाट हानेको छुरा ढाडबाट छि¥यो । ऐøया आत्थो भन्न नपाई प्राणपखेरु उड्यो । यसरी छुरी हान्ने ग्याङचाहिँ टेकुको थियो । छुरी खाएर ज्यान जाने अनशल मंगलबजारका हुन् । यही प्रकरणमा परी आइतबार कर्तव्य ज्यान मुद्दाअन्तर्गत नख्खु जेल चलान भएका छन् ।

 

विदेशमा नेपाली धमाधम पक्राउ

 

नेपालको एकमात्र अन्तर्राष्ट्रिय विमानस्थलबारे विश्वव्यापी धारणा यही छ कि, त्यहाँबाट जे पनि बाहिरिन्छ, जे पनि छिर्नसक्छ । पछिल्ला गतिविधि हेर्दा यहाँबाट अनुचित किसिमले आए÷गएकाको हिसाबकिताब दह्रो निस्कने गरेको पाइन्छ ।

 

स्वदेशी÷विदेशी नभनी विमानस्थलमा भटाभट कारवाही भइरहेको छ । जेठको १५ गते बुधबार थाई एयरको टिजी ३१९ उडानबाट इन्द्रबहादुर बस्नेत र पूर्णकला थापा काठमाडौं ओर्लिए । उनीहरुलाई जापानमा अवैधरुपमा बढी बसेको (इलिगल ओभरस्टे) सम्बन्धी अन्तर्राष्ट्रिय अध्यागमन कानुनअनुसार समातेर फिर्ता पठाइएको हो ।

 

विश्वव्यापी रुपमा निर्धारित रकमभन्दा बढी बोकेर हिँड्न नपाइने अध्यागमन प्रचलन छ । यो कुरा जाने, बुझेरै एकजना क्यानेडियन नागरिकले अटेर गर्दा फन्दामा परेका छन् । जेठको १७ गते, शुक्रबार राति ड्रागन एयर केए १०३ नम्बरको उडानबाट हङकङ उड्न लागेका एसी ९५८६६२ नम्बरको राहदानीवाहक क्यानेडियन नागरिक टिन्नी मी ग हुन्, यस्तो फन्दामा परेका । अन्तिम सुरक्षा चेकजाँचको क्रममा उनीबाट प्रहरीले २० हजार ६ सय ३० अमेरिकी डलर, १४ सय २० हङकङ डलर र एक हजार ५० चिनियाँ युआन फेला पा¥यो र प्रहरी वृत्त गौशालाको हिरासतमा राखेर कारवाही थालिएको छ ।

 

त्यही दिन टर्किस एयरको टिके ७२६ मा इस्तानबुलबाट काठमाडौं ओर्लिएका थिए, दुर्गाप्रसाद भुषाल । उनलाई पोर्तुगलको अध्यागमनले अवैधानिक आप्रवासन ‘नो पु्रभ अर कण्डिसन्स टु स्टे’ को कारण देखाएर डिपोर्ट गरेको थियो । उनले फ्रान्सस्थित नेपाली दूतावासबाट जारी भएको हस्तलिखित ५३७५७१५ नम्बरको राहदानी बोकेका थिए ।

 

अर्कातिर विमानस्थलमा विदेशबाट को–को आए र क–कसले देश छाडे भन्ने कुराको मिहिन ढंगले निगरानीको क्रम बढेको पुष्टि हुन्छ, एउटा घटनाबाट । नेपालमा तीर्थाटन र विभिन्न सामाजिक अभियानका नाममा भित्रिने र सबै गतिविधि गोप्य रहने हल्ला चल्ने गरेको छ । तर, १७ गते शुक्रबार साँझ ९ः१५ मा दिल्लीबाट नेपाल वायुसेवाको आरए २०६ को उडानमा अवतरण भएका एकजना बाबाजीमाथि प्रहरीले निगरानी बढाएको छ । स्वामी गोरखनाथ (राहुलेश्वर महाराज) त्यसदिन काठमाडौं ओर्लिंदा उनलाई स्वागत गर्न शिवसेना नेपालका अध्यक्ष अनिल बस्नेत र प्रवक्ता विजय पाण्डे एयरपोर्ट पुगेका थिए । उनीहरु हरियो रंगको पर्यटकीय नम्बर प्लेट बा१य ८११ को जिपमा होटल अन्नपूर्ण पुगेको बताइन्छ । जनआस्थाबाट