मुस्लिम धर्मालम्बीहरुको पर्व ईद उल फित्रमा अध्यक्ष प्रचण्डको शुभकामना
नेपालमा आज मुस्लिम समुदायले भव्यरुपमा ईद उल फित्र पर्व मनाउँदै छन् । आजको दिन मुस्लिम समुदायले विशेष नमाज पाठ गरी ठूलो बडाबाट आशिर्वाद लिँदै ईद उल फित्र मनाउने गर्छन् । अरबी पात्रो हिजरी सम्वतअनुसार दशौँ महिनाको पहिलो दिन विशेष नमाज पाठ गरेपछि तीन दिनसम्म ठूलाबडा संग आर्शिवाद लिने गरिन्छ ।
यस बर्षमा मुसलमानहरुले सेवइ, खजुर लगायतका मिठा खानेकुराहरु खाने गर्छन् भने खुसी पूर्वक गच्क्षे अनुसार गरिबलाई दान पनि दिने गर्छन् । आज नेपालमा पनि ईद उल फित्र भव्यताका साथ मनाईदैछ । मस्जिदमा नमाज पाठ गरी ठूलाबडाको आर्शिवाद लिने कार्यक्रम जारी छ । आज सरकारले ईद उल फित्रको अवसरमा सार्वजनिक बिदा पनि दिएको छ ।
गत वर्ष सरकारले बिदा कटौती गरेपछि मुस्लिम अगुवाहरूले ईदमा बिदाको माग गर्दै आएका थिए । सरकारले मुस्लिम आयोगको सिफारिसमा बिदा दिने निर्णय गरेको हो । यस्तै, नेपाल कम्युनिष्ट पार्टी औनेकपाओ का अध्यक्ष पुष्पकमल दाहाल ‘प्रचण्ड’ले सबै जाति र धर्मको साझा प्रयासबाट नै समृद्धि हासिल गर्न सकिने बताउनु भएको छ ।
मुस्लिम समुदायको महान् चाड इद उल–फित्रको अवसरमा शुभकामना सन्देश जारी गर्दै अध्यक्ष प्रचण्डले सबै जाति, क्षेत्र, लिङ्ग र समुदायहरुको साझा प्रयासबाट नै देशको आर्थिक विकास सम्भव भएको स्पष्ट पार्नुभएको छ । त्यस्तै अध्यक्ष प्रचण्डले यो चाडले नेपाली जनसमुदायमा आपसी भातृत्व, मित्रता, सामाजिक सद्भाव र राष्ट्रिय एकता कायम गरी देशलाई आर्थिक समृद्धिमा लैजान सबैमा प्रेरणा मिलोस भन्दै शुभकामना व्यक्त गर्नुभएको छ ।
