बस र ट्रक ठोक्किँदा दुई जनाको मृत्यु, १८ घाइते
देवचुली नगरपालिका – २ दुम्कौलीमा बस र ट्रक एक आपसमा ठक्कर खादा दुई जनाको मृत्यु भएको छ । १८ जना घाईते भएका छन् ।
नारायणगढबाट पाल्पाका लागि छुटेको ना २ ख ४८९० नम्बरको ट्रक र कावासोतीबाट नारायणगढ तर्फ जाँदै गरेको ना ४ ख ५२९५ नम्बरको बस एक–आपसमा ठक्कर खाँदा बस चाल सहित यात्रुहरु घाइते भएको जिल्ला प्रहरीले जनाएको छ ।
दुर्घटनामा परि मृत्यु हुनेमा गैँडाकोट १४ बस्ने ६५ वर्षीय कुमारी सुनारी र गैँडाकोट १८ बस्ने ७० वर्षीय जमुना मापछन भएको जिल्ला प्रहरी कार्यालय नवलपुरका प्रहरी नायव उपरिक्षक अर्जुन रानाभाटले जानकारी दिनुभयो । घाइतेमध्ये दुईजनाको अवस्था गभ्मीर रहेको प्रहरीले जनाएको छ ।
अहिले घाईतेहरुको पुरानो मेडिकल कलेज भरतपुरमा १, मनकामना अस्पताल चितवनमा १३, नयां मेडिकल कलेज चितवनमा ८ र प्राथमिक स्वास्थ्य केन्द्र दुम्कौलीमा १ जनाको उपचार भइरहेको छ । ट्रक चालक प्रहरीको नियन्त्रणमा बस चालक फरार रहेको जिल्ला प्रहरी कार्यालय नवलपुरका प्रहरी नायव उपरीक्षक रानाभाटले जानकारी दिनुभयो ।
