संसदको पहिलो दिनमै सुन्दरी सांसदको तस्विरले भारतभर हंगामा !
भर्खर सम्पन्न भारतीय लोकसभामा ७८ महिला सांसद निर्वाचित भएका छन् । कतिपय महिला सांसदहरु लामो राजनीतिक यात्रा बोकेका छन् भने कतिपय निकै प्रभावशाली छन् । स्मृति इरानीले कांग्रेस अध्यक्ष राह्ल गान्धीलाई पराजित गरेर सर्वाधिक चर्चामा छिन् । तर मंगलबार ममता बनर्जीको तृणमूल कांग्रेसकी दुई युवा सांसदको तस्विरले भारतभर चर्चा पाएको छ ।
७८ महिला सांसदमा तृणमूल कांग्रेसकि नुसरत जहां र मिमि चक्रवर्ती पनि सांसद बनेका छन् । सुन्दर चेहेरा भएकी दुई सांसद पहिलो दिन संसद भवनमा पुगे । संसद भवनमा पुगेपछि आज पहिलो दिनभन्दै उनीहरुले सेल्फी खिचे र इन्स्टाग्राममा राखे ।
सामाजिक सञ्जालमा तस्विर पोष्ट गरेपछि दुई सुन्दर सांसदको चर्काे आलोचना शुरु भएको छ । सांसद नुसरत लेखेकी छिन् -एउटा नयाँ शुरुवात । मलाई भरोसा गर्ने ममता बनर्जी र बशीरहाट लोकसभा क्षेत्र जनताप्रति धन्यवाद ।
जाधवपुरबाट चुनाव जितेकी मिमि चक्रवर्तीले लेखेकी छिन् -संसदमा आज पहिलो दिन । उनीहरुको लेखाईभन्दा पनि तस्विर खिच्दा लिइएको पोज र कपडालाई लिएर भारतभर आलोचना भएको छ ।
भारतीय जनता पार्टीका नेता कार्यकर्ताले आपत्ति जनाएका छन् । सयानी मुखर्जीले कमेन्टमा लेखेकी छिन् शीरहाट जनता हो लाज मान, यस्ता महिलालाई संसद जिताएर संसदको अपमान र मजाक भएको छ । अर्की वैशालीले लेखेकी छिन् । यो देशको संसद हो या फेसन शो ?
