देशैभरी बम बिस्फोटको आतंक, बाहिर निस्किदा यसरी राख्नुहोस् ख्याल
आफ्ना कार्यकर्ता मारिएको विरोधमा आज विप्लव समुहले गरेको बन्दले देशैभरीको जनजीवन प्रभावित भएको छ ।
यो बिचमा देशका विभिन्न ठाउँहरुमा विप्लवले विस्फोट गराएका खबरहरु सार्वजनिक भएका छन् ।
यस्तै, चन्द समूहका कार्यकर्ताले महेन्द्रराजमार्गमा गुडिरहेको ट्रकमामा बम प्रहार गरेका छन् । बम प्रहारबाट ट्रक चालक घाइते भएका छन् ।
सोमबार बिहान २ बजे दाउन्ने दाट नारायणगढ तर्फ सिमेन्ट बाकेर आउँदै गरेको लु २ ख १०८ नम्बरको ट्र्रकमा अरुणखोलाको जंगलमा बम प्रहार भएको प्रहरीले जनाएको छ ।
बम प्रहार पछि ट्र्रक जलेर नष्ट भएको, चालक दमौलीका ३३ वर्षीय अमर विकको शरीर जलेको अरुणखोला प्रहरी कार्यालयका इन्चार्ज सुन्दर गुरुङ्गङ्गे जानकारी दिनुभयो । त्यस्तै, डण्डामा पनि गुडी रहेको जिपमा आगजनी भएको छ ।
आगजनीबाट जिपमा सामान्य क्षति पुगेको छ । बन्दका कारण जिल्लाको जनजीवन प्रभावित भएको छ भने स्थानीय त्रसित बनेका छन् । यता, भक्तपुरको च्यामासिंहमा शंकास्पद बस्तु फेला परेको छ ।
च्यामासिंह मालपोत कार्यालय नजिकै सोमबार बिहान पौने तीन बजेतिर प्रहरीको मोबाइल टोलीले शंकास्पद बस्तु फेला पारेको हो । सेतो रंगको झोलामा पोको पारिएको अवस्थामा रहेको शंकास्पद बस्तु टाईमबम सुरक्षित रुपमा निश्क्रिय पारिएको सुरक्षा टोलीले जनाएको छ ।
भोजपुरमा आफ्ना कार्यकर्ता सुरक्षा निकायद्वारा मारिएपछि आक्रोशित बनेको विप्लव समूहले आज सोमबारका लागि नेपाल बन्द आहवान गरेको छ ।
बन्दका लागि सुरक्षाकर्मीले जनशक्ति थप गर्नुका साथै हाइ अलर्टमा रहेको उपत्यकाका सुरक्षा निकाय प्रमुखले जानकारी दिएका छन्न असफल पार्न सुरक्षा निकाय हाइ अलर्टमा रहेको पनि सुरक्षा निकाय प्रमुखले जानकारी दिए ।
कसरी जोगिने ?
सकेसम्म अति जरुरी नभएसम्म बाहिर ननिस्किने ।
भरसक सार्वजनिक यातायात प्रयोग गर्ने ।
भित्रि गल्ली छोडेर मुख्य सडक प्रयोग गर्ने ।
शंकास्पद बस्तु देखिए सुरक्षित क्षेत्रमा पुगेर तत्काल प्रहरीलाई खबर गर्ने
