आर्थिक समृद्धि र विकास नै अबको आवश्यकता पूर्व अर्थमन्त्री पाण्डे
पूर्व अर्थमन्त्री तथा चितवनको निर्वाचन क्षेत्र नं. १ का सांसद सुरेन्द्र पाण्डेले अबको समय भनेकै आर्थिक समृद्धि र विकास भएको बताउनु भएको छ ।
पूर्वी चितवनको विभिन्न कार्यक्रममा शुक्रबार सहभागी हुने क्रममा उहाले राजनीतक विषयको कुरा गरेर मात्र देशले प्रगती गर्न नसकिने बताउनु भयो । आफ्नो निर्वाचन क्षेत्रहरुमा विकासका नयाँ कार्यक्रमहरु आउने क्रम रहेकाले स्थानीयहरुले साथ दिनु पर्नेमा जोड दिनु भयो ।
तपाइहरुको घर आगनमा साना ठुला विकासका कार्यक्रमहरु चल्ने र आउनेक्रम रहेकाले जीवन उपयोगीकाममा लगाउनु पर्ने बताउनु भयो ।
शुक्रबारनै राप्ती नगरपालिका स्तरीय राष्ट्रपति खेलकुद प्रतियोगिता कार्यक्रमको उद्घाटन गर्दै उहाले देशको नाम विश्वमा चिनाउने काम खेलकुदबाट भइराखेले यसको विकासमा सरकारले ध्यान दिनु पर्नेमा जोड दिनु भयो । खेलकुदले शारीरिक व्यायाम मात्र नभइ राष्ट्रको नाम संसारभरी चिनाउने काम गरको भन्दै प्रशंसा गर्नु भयो ।
यस्तै गरी खैरहनी नगरपालिका वडा नंं ३, ४ र रत्ननगर नगरपालिका वडा नंं ११ र १२ का महिला समुहहरुलाई सम्वोधन गर्दै पशुपालन सम्वन्धी विभिन्न कार्यक्रम सञ्चालन भइराखेकाले त्यसलाई जीवनमा लागु गर्नु पर्नेमा जोड दिनु भयो । तालिम लिने तर व्यवहारमा लागु नगर्ने वानीले गर्दा आर्थिक उन्नती गर्न नसकिने बताउनु भयो । राज्यले हरेक वर्ष नयाँ कार्यक्रमहरु आइरहने भएकाले त्यस्ता कार्यक्रमको लाभ लिनु पर्नेमा जोड दिनु भयो ।
त्यस्तै गरी राप्ती नगरपालिकाको लाहुरे टोलमा विद्युतको पावर नपुगेर सिचाइमा आएको समस्यालाई समाधान गर्न आफूले काम गरेको जानकारी दिनु भयो । विद्युतको ट्रान्सफरमर नहुदा कम भोल्टेजले सिचाइमा समस्या आइराखेकोमा पूर्व अर्थमन्त्री पाण्डेले समस्या समाधान गरेपछि अहिले सिचाइमा सहजता भएको छ ।
