मरुभूमिबाट आएको धुलोका कारण नेपाली आकाश खुल्न सकेन, धेरै बाहिर नहिड्न सुझाव

काठमाडौंको आकाश पुर्ण रुपमा नखुल्नुको अनौठो तथ्य पत्ता लागेको छ । भारतको राजस्थानको मरुभूमि क्षेत्रबाट आएको धुलोका कारण देशका धेरै ठाउँको मौसम पूर्ण सफा नभएको मौसमविद्ले बताएका छन् ।

राजस्थानबाट आएको धुलोका कारण मौसम पूर्ण रुपमा खुल्न नसकेको मौसमविद् विभूति पोख्रेलले जानकारी दिनुभयो । यसकै प्रभावले बुधबार पश्चिम तराईको एकदुई ठाउँमा धुलोसहितको हावा चल्ने सम्भावना रहेको उहाँले बताउनुभयो ।

पानी नपरेसम्म यो धुलो नहट्ने उहाँले जानकारी दिनुभयो । मौसमविद् पोख्रेलका अनुसार बुधबार र बिहीबार पानी पर्ने सम्भावना नदेखिएकाले यो धुलो तत्काल हट्दैन । शुक्रबार दिउँसो पश्चिमबाट पश्चिमी वायु प्रवेश गरेर पानी पर्ने देखिएकाले त्यसपछि भने यो धुलो हट्ने उहाँको अनुमान छ ।

गएको वर्ष असार पहिलो साता पनि मरुभूमिबाट आएको धुलोका कारण देशका धेरै ठाउँमा हिलो पानी परेको थियो । केहीदिनदेखि राजस्थानको मरुभूमिबाट उडेको धुलोका कारण भारतको विभिन्न ठाउँको जनजीवन प्रभावित भएको छ । यस्तो छ मौसम जानकारी

बैशाख २५ गते (बुधवार): दिउँसोः देशभरि मौसम सामान्यतया सफा रहनेछ तथापि पूर्वी पहाडि भेगका एक दुई स्थानमा अपरान्ह वा साँझ पछि आंशिक बदलि भई मेघ गर्जन सहित क्षणिक हल्का वर्षाको संभावना छ ।

राति: देशभरि मौसम सामान्यतया सफा रहनेछ तथापि पूर्वी पहाडि भेगका एक दुई स्थानमा मेघ गर्जन सहित क्षणिक हल्का वर्षाको संभावना छ ।

बैशाख २६ गते (विहिवार): दिउँसोः देशभर मौसम सामन्यतया सफा रहनेछ तथापि पहाडि भू-भागमा अपरान्ह पछि आंशिक बदलिको संभावना छ । पहाडी भू-भागका एक/दुई स्थानमा

मेघ गर्जन सहित क्षणिक हल्का वर्षाको सम्भावना रहेको छ । राति: देशको पूर्वी पहाडी भु-भागमा आंशिक बदलि रही बाँकि भू-भागमा सामान्यतया सफा रहने देखिन्छ।

बैशाख २७ गते (शक्रवार): दिउँसो: देशभर मौसम सामन्यतया सफा रहनेछ तथापि पूर्वी भेग लगायत मध्य र पश्चिमि पहाडि भू-भागमा अपरान्ह पछि आंशिक बदलिको संभावना छ ।

पूर्वी भेग लगायत मध्य र पश्चिमी पहाडी भू-भागका एक/दुई स्थानमा मेघ गर्जन सहित क्षणिक हल्का वर्षाको सम्भावना रहेको छ । राति: देशको पश्चिमि भेगमा आंशिक बदलि रहनेछ भने अन्य भू-भागमा मौसम सामान्यतया सफा रहनेछ ।