सरकारको नीति तथा कार्यक्रमलाई प्रधानमन्त्री ओलीले दिए यस्तो जवाफ
गएको शनिबार राष्ट्रपतिले संसदमा प्रस्तुत गर्नुभएको सरकारको आगामी नीति तथा कार्यक्रमलाई लिएर संसदमा केही दिन देखि बहस भइरहेको छ ।
प्रमुख प्रतिपक्षी दल नेपाली कांग्रेसले यसलाई जनतामा भ्रम छर्नको लागि ल्याइएको बताउँदै आएको छ । यता सत्तापक्षले यो नीति तथा कार्यक्रम विकासको पहिलो आधार भएको र देश विकासको युगमा प्रवेश गरेको बताउँदै आएका छन् ।
आज संसदमा यसको अन्तिम छलफल हुने भएको छ । आज नै प्रधानमन्त्री केपी शर्मा ओलीले आर्थिक वर्ष ०७६–७७ का लागि सरकारले प्रस्तुत गरेको नीति तथा कार्यक्रममाथि उठेका प्रश्नहरुको जवाफ दिनुहुने भएको छ ।
नीति तथा कार्यक्रममाथि संसद्मा भएको छलफलका क्रममा उठेका प्रश्नहरुको प्रधानमन्त्रीले जवाफ दिने प्रचलनअनुसार प्रधानमन्त्रीले आज संसद्मा उपस्थित भएर त्यसबारे प्रष्ट पार्न लाग्नु भएको हो । विपक्षीले खासगरी राष्ट्रपतिले प्रयोग गरेको ‘मेरो सरकार’ पदावली र संविधान सर्वस्वीकार्य भएको शब्दावलीप्रति आपत्ति जनाएका छन् ।
प्रधानमन्त्री ओलीले यस विषयमा विभिन्न सार्वजनिक कार्यक्रमहरुका जवाफ दिइसकेको भएपनि आज फेरि संसदमा विपक्षीले उठाएका प्रश्नहरुको जवाफ दिनुहुने भएको छ ।
