पूर्वमिस नेपालसँग जोडी बाँध्दै विराज भट्ट
नायक विराज भट्ट लामो समयको विश्रामपछि अब फेरि अभिनयमा फर्किएका छन् । साथै, अब उनले चलचित्र निर्देशन पनि गर्ने भएका छन् ।
विराज भट्टले आफ्नो फिल्मी करियरमा पहिलोपटक फिल्म निर्माण र निर्देशनमा हात हालेका छन् ।
करिब दुई दशक लामो आफ्नो फिल्म करिअरमा उनले फिल्म ‘साङ्लो’ मार्फत् निर्माण र निर्देशनमा हात हाल्न लागेका हुन् ।
शुक्रबार राजधानीमा एक कार्यक्रम आयोजना गर्दै विराजले उक्त फिल्मको घोषणा गरेका हुन् ।
वैशाखको २४ गतेबाट छायांकनमा जाने यस चलचित्रलाई करिब ५० दिनमा सक्ने विराजले पत्रकार सम्मेलनमा जानकारी दिएका थिए ।
चलचित्र ‘साङ्लो’मा विराजको जोडीको रुपमा पूर्वमिस नेपाल निकिता चण्डकलाई अनुबन्धित गरिसकेको छ ।
उक्त फिल्ममा विराज र निकितासंग कामेश्वर चौरासिया, अमित गिरीलगायतका कलाकारको मुख्य भूमिका रहेको छ । एक्सन तथा लभ स्टोरी कथामा आधारित रहेर यो चलचित्र निर्माण हुने भएको छ ।
